ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ବରପାଲିପଡା ମାନସୀ ମଣ୍ଡପଠାରେ ନାଥ ବଂଶର ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ନାଥ ବଂଶର ବଲାଙ୍ଗିରର ଆଖପାଖ ଅଂଚଳରୁ ପ୍ରାୟ ୧୨୦ ଜଣ ଭାଗ ନେଇଥିଲେ । କାର୍ଯ୍ୟକ୍ରମ ପ୍ରାରମ୍ଭରୁ ଇଷ୍ଟ ଦେବୀ ଦୁର୍ଗାମାତାଙ୍କୁ ପୂଜା କରିବା ଓ ସ୍ୱାଧୀନତା ସଂଗ୍ରାମୀ ପୁରୁଷୋତ୍ତମ ନାଥ, ଧୃବ ଚରଣ ନାଥ ଓ ଯୁଗଳ କିଶୋର ନାଥଙ୍କ ସ୍ମୃତିଚାରଣ ପରେ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଅୟୋଜକ ଗୋପଭୂଷଣ ନାଥ, କୃଷ୍ଣଚନ୍ଦ୍ର ନାଥ ଓ ବାସୁଦେବ ନାଥ ଆଗାମୀ ଦିନରେ ନାଥ ବଂଶ ଏକତ୍ରିତ ହୋଇ କିପରି ବିଭିନ୍ନ ଜନମଙ୍ଗଳ କାର୍ଯ୍ୟକ୍ରମ ପାଇଁ ଅଣ୍ଟା ଭିଡିବାକୁ ଆହ୍ୱାନ କରିଥିଲେ । ଦୁଲାଲ, ରାମଗୋପାଳ ଓ ବଦ୍ରିକା ନୂଆଁପଡା, ଚାଣ୍ଟିମୁଣ୍ଡା, କୁଡାସିଂହା, ଖୁଜେନପାଲି, ଖୁଡକୁପାଲି ଓ ଟାଉନରେ ଥିବା ନାଥ ବଂଶଧରଙ୍କୁ ଏକଜୁଟ କରିଥିଲେ । ନାରଣ ନାଥ ଓ ଅରୁଣ ନାଥ ଆଗାମୀ ଡିସେମ୍ବର ମାସରେ ଆଉ ଏକ ଭେଟ୍ଘାଟ୍ କରିବା ନେଇ ପ୍ରସ୍ତାବ ଦେଇଥିଲେ । ଶେଷରେ କୃଷ୍ନ ଚନ୍ଦ୍ର ନାଥ ସମସ୍ତଙ୍କୁ ଧନ୍ୟବାଦ ଦେଇଥିଲେ ।