ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ସରସ୍ୱତୀ ଶିଶୁ ବିଦ୍ୟା ମନ୍ଦିରର ଛାତ୍ର ନମନ କୁମାର ପାତ୍ର ବିଦ୍ୟାଭାରତୀ ପକ୍ଷରୁ ପୁରସ୍କୃତ ହୋଇଛନ୍ତି । ବାଲେଶ୍ୱର ଜିଲ୍ଲାର ସୋରଠାରେ ବିଦ୍ୟାଭାରତୀ ପକ୍ଷରୁ ଆୟୋଜିତ କ୍ଷେତ୍ରୀୟ ଜ୍ଞାନ ବିଜ୍ଞାନ ମେଳା ସଂଗଠିତ ହୋଇଥିଲା । ଆନ୍ତଃ-ରାଜ୍ୟସ୍ତରୀୟ କ୍ଷେତ୍ରୀୟ ଜ୍ଞାନ ବିଜ୍ଞାନ ମେଳାରେ ସିକିମ, ଓଡିଶା, ପଶ୍ଚିମବଙ୍ଗ ଓ ଆଣ୍ଡାମାନ ରାଜ୍ୟରୁ ବହୁ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଏଥିରେ ବିଜ୍ଞାନ ପ୍ରୟୋଗ ପ୍ରତିଯୋଗିତାରେ ଛତ୍ରପୁର ଶିଶୁ ମନ୍ଦିରର ଛାତ୍ର ନମନ କୁମାର ପାତ୍ର ଭାଗ ନେଇ ପ୍ରଥମ ସ୍ଥାନ ଅଧିକାର କରିଛନ୍ତି । ତାଙ୍କର ଏହି ସଫଳତା ପାଇଁ ବିଦ୍ୟାଳୟର ସମସ୍ତ ଆଚାର୍ଯ୍ୟ ଆଚାର୍ଯ୍ୟା, ପ୍ରଧାନାଚାର୍ଯ୍ୟ, ପରିଚାଳନା ସମିତି, ସଂକୁଳ ପ୍ରମୁଖ ଓ ଛାତ୍ରଛାତ୍ରୀ ଅଭିନନ୍ଦନ ଜଣାଇଛନ୍ତି । ସେ ଆସନ୍ତା ନଭେମ୍ବର ୦୪ ତାରିଖଠାରୁ ଅମୃତସର, ପଞ୍ଜାବଠାରେ ଆରମ୍ଭ ହେବାକୁ ଥିବା ଅଖିଳ ଭାରତୀୟ ବିଜ୍ଞାନ ମେଳାରେ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ବିଦ୍ୟାଳୟ କର୍ତ୍ତୃପକ୍ଷ ଜଣାଇଛନ୍ତି ।