- ଏକତା ସୂତ୍ରରେ ବାନ୍ଧି ରଖିଛି ନୂଆଁଖାଇ
ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସଦର ସର୍ବସାଧାରଣ ଖେଳ ପଡିଆଠାରେ ଝାଙ୍କରପଡା ଗଣେଶ ପୂଜା କମିଟି ପକ୍ଷରୁ ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ପ୍ରଥମେ ଗ୍ରାମର ବିଭିନ୍ନ ଦେବା ଦେବୀଙ୍କୁ ପୂଜାର୍ଚ୍ଚନା କରିବା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା । ଆୟୋଜିତ କାର୍ଯ୍ୟକ୍ରମରେ କମିଟିର ସଭାପତି ଅମିତ ଥନାପତିଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ବଙ୍ଗୋମୁଣ୍ଡା ସରପଞ୍ଚ ତଥା ରାଜ୍ୟ ଯୁବ ବିଜେଡି ସମ୍ପାଦକ ଅଜିତ କୁମାର ଯୋଶୀ, ସମାଜସେବୀ କିଶନଲାଲ ଅଗ୍ରୱାଲ, ସମାଜସେବୀ ଆନନ୍ଦ ଅଗ୍ରୱାଲ, ଧନୁଯାତ୍ରା ମହୋତ୍ସବ କମିଟିର ପୂର୍ବତନ ସଭାପତି ତୁଲସିରାମ ହଂସ, ଡ଼ଃ ପ୍ରଦ୍ୟୁମ୍ନ ଆଚାର୍ଯ୍ୟ, କଣ୍ଟାବାଞ୍ଜି ସାମ୍ବାଦିକ ପୁଷ୍ପକେତୁ ବେହେରା, ରଶ୍ମିରଞ୍ଜନ ପୁଟେଲ, ଜିଲ୍ଲା ପେଷାଦାର ସାମ୍ବାଦିକ ସଂଘର ଉପସଭାପତି ଅଶୋକ ନାରାୟଣ ଭୋଇ, ବୈକୁଣ୍ଠ ମହାନନ୍ଦ, ଧନୁଯାତ୍ରା ମହୋତ୍ସବର ପ୍ରତିଷ୍ଠାତା ମାଧବ ହଂସ, ପାଣ୍ଡବ ଥନାପତି, ଘନଶ୍ୟାମ ମନହୀରା, କୋଶଲୀ କବି ଭକ୍ତବନ୍ଧୁ ସାହୁ, ଶରତ ଚନ୍ଦ୍ର ପାଣିଗ୍ରାହୀ, ହରିରାମ ସତନାମୀ, ଦୁଷ୍ମନ୍ତ ବେହେରା ପ୍ରମୁଖ ଅତିଥି ଭାବେ ଯୋଗ ଦେଇ ପବିତ୍ର ନୂଆଁଖାଇ ମହାତ୍ମ୍ୟ, ଐତିହ୍ୟ, ପରମ୍ପରା ସଂସ୍କୃତିର ମହାମିଳନ ପର୍ବ ବୋଲି ଅତିଥିମାନେ ମତବ୍ୟକ୍ତ କରିଥିଲେ । ସୁଶୀଲ କୁମାର ପୋଢ଼ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ସୁଦାମ ସିନ୍ଦୁର, ଅଶୋକ ହଂସ, ସୁଧୀର ବାଗ, ଡବଲୁ ହଂସ, ଆଲୋକ ସାହୁଙ୍କ ସହ କମିଟିର ସମସ୍ତ ସଦସ୍ୟମାନେ ସହଯୋଗ କରିଥିଲେ । ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ବିଳମ୍ବିତ ରାତ୍ରି ପର୍ଯ୍ୟନ୍ତ ଦର୍ଶକମାନେ ଉପଭୋଗ କରିଥିଲେ । ପ୍ରତ୍ୟେହ ସନ୍ଧ୍ୟାରେ ଲୋକଙ୍କ ପ୍ରବଳ ଭିଡ ହେଉଥିବା ଦେଖିବାକୁ ମିଳିଛି ।