ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ଥାନା ଚନ୍ଦନଭାଟି ପାଖ ବଘଲା ଗାଁରୁ ଏକ ଅଜଗର ସାପ ଉଦ୍ଧାର ହୋଇଛି । ଅଜଗର ସାପର ଲମ୍ବ ୭ରୁ ୮ ଫୁଟ ହୋଇଥିବା ବେଳେ ଓଜନ ୭ କିଲୋ ହେବ ବୋଲି ବଲାଙ୍ଗିର ରେଂଜର୍ କେଶବ କିଶୋର ନାଏକ ପକ୍ଷରୁ ସୂଚନାରେ ଦିଆଯାଇଛି । ସାପଟି ଘର ଭିତରେ ଥିବା କାଠଗଦାରେ ରହିଥିବା ବେଳେ ଖବର ପାଇ ସାପ ଉଦ୍ଧାରକାରୀ ଦଳର ଶୁଭେନ୍ଦୁ ପଟ୍ଟନାୟକ, ସୁରୁ ତାଣ୍ଡି ଓ ସାନୁଜ ମିଶ୍ର ଘଟଣାସ୍ଥଳରେ ପହଞ୍ଚି ସାପକୁ ଉଦ୍ଧାର କରିଥିଲେ । ରେଞ୍ଜ କାର୍ଯ୍ୟାଳୟରେ ସାପର ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ତାକୁ ଜଙ୍ଗଲରେ ଛଡାଯିବ ବୋଲି ରେଞ୍ଜର ଶ୍ରୀ ନାୟକ ସୂଚନା ଦେଇଛନ୍ତି ।