ରାଉରକେଲା, (ସସ୍ମିତା ପ୍ରଧାନ) : ସାମାଜିକ ପ୍ରତିବଦ୍ଧତା ରଖି ତିଆରି ହୋଇଥିବା ସ୍ୱେଚ୍ଛାସେବୀ ଅନୁଷ୍ଠାନ ଡ୍ରିମ ଟିମ୍ ଫାଉଣ୍ଡେସନର ଅଷ୍ଟମ ପ୍ରତିଷ୍ଠା ଦିବସ ସିଭିଲଟାଉନସିପ୍ଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ମୁଖ୍ୟ ଟ୍ରଷ୍ଟି ପଦ୍ମିନୀ ପାଣିଗ୍ରାହୀ ଓ ଅଧ୍ୟକ୍ଷ ଅମୀୟ ଦାସ, ବରିଷ୍ଠ ସଦସ୍ୟ ଅଜୟ ପୂଜାରୀ ଓ ଆଲୋକ ବେହେରା ପ୍ରମୁଖ ଯୋଗଦେଇ ବିଗତ ବର୍ଷର କାର୍ଯ୍ୟଗୁଡିକୁ ସମୀକ୍ଷା କରିବା ସହ ଆଗକୁ କିପରି କାର୍ଯ୍ୟକ୍ରମଗୁଡିକ ଲୋକାଭିମୁଖି ହୋଇ ପାରିବ ସେ ସଂପର୍କରେ ବିଭିନ୍ନ ପ୍ରସ୍ତାବ ପାରିତ କରିଥିଲେ । ପ୍ରତିଷ୍ଠା ଦିବସ ଉପଲକ୍ଷେ କେକ୍ କଟାଯାଇ ଉପସ୍ଥିତ ସଦସ୍ୟଙ୍କ ମଧ୍ୟରେ ବଣ୍ଟନ କରାଯାଇଥିଲା । ସୂଚନାଯୋଗ୍ୟ ଯେ, ଡ୍ରିମ ଟିମ୍ ସହରରେ ହେଉଥିବା ବିଭିନ୍ନ ଭୋଜିଭାତରେ ବଳକା ହେଉଥିବା ଖାଦ୍ୟଗୁଡିକ ସଂଗ୍ରହ କରି ଆବଶ୍ୟକତା ହେଉଥିବା ଭୋକିଲା, ଆଶ୍ରମ କିମ୍ବା ବସ୍ତି ଅଂଚଳରେ ବଣ୍ଟନ କରିଦେଇଥାନ୍ତି । ଏଥିପାଇଁ ଭୋଜିଭାତ କରୁଥିବା ଅନୁଷ୍ଠାନ ଗୁଡିକ ବଳକା ଖାଦ୍ୟ ରହିଲେ ଡ୍ରିମ୍ ଟିମ୍ ସହ ଯୋଗାଯୋଗ କରିଥାନ୍ତି । ଏହି ପ୍ରତିଷ୍ଠା ଦିବସ ପାଳନ ଅବସରରେ ଅନ୍ୟ ବରିଷ୍ଠ ସଦସ୍ୟ ସର୍ବଶ୍ରୀ ସନ୍ତୋଷ ସଏ, ମହେନ୍ଦ୍ର ମହାନ୍ତି, ବିକାଶ ବାନାର୍ଜୀ, ଅଜୟ ପ୍ରଧାନ, ମୀନତି ବାରିକ, ସୁଦୀପ୍ତା ଜେନା, ପଞ୍ଚାନନ ଜେନା, ଲିତାଞ୍ଜଳୀ ପତି, ସଲିତ ପତି ପ୍ରମୁଖ ଉପସ୍ଥିତ ଥିଲେ ।