ରାୟଗଡା : ପ୍ରତିବର୍ଷ ପାଳନ କରନ୍ତି ମାଓବଦୀମାନେ ପିଏଲଜିଏ ସପ୍ତାହ । ଚଳିତ ବର୍ଷ ଗତ ୨ ତାରିଖରୁ ଆରମ୍ଭ ହୋଇଛି ଓ ଆସନ୍ତା ୮ ତାରିଖ ପର୍ଯ୍ୟନ୍ତ ଚାଳୁ ରହିବ ବୋଲି କୁହାଯାଇଛି । ଏହା ପୂର୍ବରୁ ମାଓବାଦୀମାନେ ପାର୍ଶଲିଠାରେ ପୋଷ୍ଟର ମାରି ଏହି ସପ୍ତାହ ପାଳନ କରିବେ ବୋଲି ଆହ୍ୱାନ ଦେଇଥିଲେ । ତେବେ ଏହାକୁ ଦୃଷ୍ଟିରେ ରଖି କେସିଂପୁର, ରାୟଗଡା ଏବଂ ମୁନିଗୁଡାରେ କମ୍ବିଂ ଅପରେସନ୍ ସହ ସୀମା ଅଚଂଳରେ ପୁଲିସ ପକ୍ଷରୁ ବ୍ୟବସ୍ଥା କଡାକଡି କରିବା ସହ ଜଲ୍ଲାର ପ୍ରବେଶ ଦ୍ୱାରରେ ସର୍ଚ୍ଚ ଅପରେସନ୍ ଜାରି ରହିଥିବା ଜଣାପଡ଼ିଛି । ସମସ୍ତ ଯାନ ବାହାନଗୁଡିକ ପୁଲିସ ପକ୍ଷରୁ ଯାଂଚ କରାଯାଉଛି ବୋଲି ଜଲ୍ଲା ପୋଲିସ ଆରକ୍ଷୀ ଅଧିକ୍ଷକ ସ୍ୱର୍ଣ୍ଣ ବିବେକ ସୂଚନା ଦେଇଛନ୍ତି । ମାଓବାଦୀଙ୍କ ଏହି ସପ୍ତାହ ପାଳନକୁ ଦୃଷ୍ଟିରେ ରଖି ସରକାରୀ ଓ ବେସରକାରୀ ବସ୍ ସବୁ ବାତିଲ କରାଯାଇଛି । ତେବେ ଆଜି ସୁଧା କୌଣସି ଅଘଟଣ ଘଟି ନଥିବା ବେଳେ ମାଓବାଦୀଙ୍କ ସମସ୍ତ ରଣନୀତିକୁ କଡାକଡି ଜବାବ୍ ଦେବା ପାଇଁ ଜିଲ୍ଲା ପୋଲିସ ସହ ଏସଓଜି, ସିଆରପିଏଫ ଏବଂ ବିଏସ୍ଏଫ ଯବାନ ସଜାଗ ରହିଛନ୍ତି ବୋଲି ଜଣାପଡିଛି ।