ବଲାଙ୍ଗିର, (କେପିଏନ୍ଏସ୍) : ଆଜି ସକାଳୁ ସ୍ଥାନୀୟ ରେଡିଓ ଷ୍ଟେସନ ନିକଟସ୍ଥ ରୋୟାଲ ଗ୍ରୀନ କମ୍ପ୍ଲେକ୍ସରୁ ଆଦର୍ଶ ଶିକ୍ଷକ କୁଳମଣି ମିଶ୍ରଙ୍କ ଶବ ଶୋଭାଯାତ୍ରା ବାହାରି ତାଙ୍କ ଦ୍ୱାରା ପ୍ରତିଷ୍ଠିତ ପଞ୍ଚବଟୀ ଉଦ୍ୟାନରେ ତାଙ୍କୁ ଅନ୍ତିମ ବିଦାୟ ଦିଆଯାଇଛି । ତାଙ୍କ ଜ୍ୟେଷ୍ଠପୁତ୍ର ଅରୁଣ କୁମାର ମିଶ୍ର ରୀତିନୀତି ଅନୁସାରେ ମୁଖାଗ୍ନି ଦେଇଥିବା ବେଳେ ସ୍ୱର୍ଗତ କୁଳମଣି ମିଶ୍ରଙ୍କ ମଧ୍ୟମ ପୁତ୍ର ଅଜିତ ମିଶ୍ର ଓ କନିଷ୍ଠ ପୁତ୍ର ଅଶ୍ୱିନୀ ମିଶ୍ର, ଜ୍ୱାଇଁ, ଜ୍ଞାତି କୁଟୁମ୍ବ, ବନ୍ଧୁ ପରିଜନ ତଥା ସହରର ବହୁ ବିଶିଷ୍ଠ ବ୍ୟକ୍ତି ପଞ୍ଚବଟୀ ଉଦ୍ୟାନରେ ଉପସ୍ଥିତ ରହି ତାଙ୍କୁ ଅନ୍ତିମ ବିଦାୟ ଦେଇଛନ୍ତି ।