ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଏନ୍ଏସି ରାଜାପଡା ମିଶନ ଶକ୍ତି ଗୃହରେ ବରଗଡ଼ ଜିଲ୍ଲା ଆଇନ ସେବା ପ୍ରାଧିକରଣ ନିର୍ଦ୍ଦେଶରେ ଦିବ୍ୟାଙ୍ଗମାନଙ୍କୁ ନେଇ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପଦ୍ମପୁର ଦିବ୍ୟାଙ୍ଗମାନଙ୍କର ସଭାପତି ଚନ୍ଦ୍ରମଣୀ ତାଣ୍ଡି ଏହି ସଭାରେ ଉପସ୍ଥିତ ଥିଲେ । ସରକାରୀ କ୍ଷେତ୍ରରେ ଦିବ୍ୟାଙ୍ଗମାନେ କିପରି ସୁବିଧା ସୁଯୋଗରୁ ବଂଚିତ ନ ହେବେ ତଥା ପ୍ରଶାସନିକ ସ୍ତରରେ ଅବହେଳା କରାଗଲେ ଜିଲ୍ଲା ଆଇନ ସେବା ପ୍ରାଧିକରଣ ସମିତିର ଆଶ୍ରୟ ନେବେ ସେ ବିଷୟରେ ସଚେତନ କରାଯାଇଥିଲା । ପିଏଲଭି ପ୍ରସନ୍ନ ମହାନନ୍ଦ ଏହି ସମସ୍ତ ବିଷୟରେ ଆଲୋଚନା କରିଥିଲେ । ଏଥିରେ ପିଏଲଭି ସୂର୍ଯ୍ୟକାନ୍ତ ମହାନ୍ତି, ପିଏଲଭି ଶଶୀ ଭୂଷଣ ଦାସ ସହଯୋଗ କରିଥିଲେ । ପଡ଼ାର ଅନେକ ଦିବ୍ୟାଙ୍ଗ ଭାଇ ଭଉଣୀମାନେ ଉପସ୍ଥିତ ଥିଲେ ।