- ଭଣ୍ଡାରପୁରୀ ଦଳ ଚାମ୍ପିୟନ
ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକ ଅନ୍ତର୍ଗତ ଭଣ୍ଡାରପୁରୀ ଗ୍ରାମ ପଞ୍ଚାୟତର ଜାମପାଲି ଖେଳ ପଡିଆଠାରେ ଗ୍ରାମ ପଞ୍ଚାୟତସ୍ତରୀୟ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଣ୍ଡାରପୁରୀ ସରପଞ୍ଚ ଶ୍ରୀମତୀ କିରନ ବାଗ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ନାଏବ ସରପଞ୍ଚ ସୁରେନ୍ଦ୍ର ଭୋଇ, ୱାର୍ଡ ମେମ୍ବର ସମାରୀ ଦୀପ ଓ ଯୋଗେଶ୍ୱର ଡନସନା ଯୋଗ ଦେଇଥିଲେ । ପାଞ୍ଚ ଗୋଟି ଗାଁରୁ ଛଅଟି ଟିମ୍ ମଧ୍ୟରେ ଖେଳ ହୋଇଥିଲା ଏବଂ ଫାଇନାଲ ସୁକମାନିପୁର ଓ ଭଣ୍ଡାରପୁରୀ ମଧ୍ୟରେ ହୋଇଥିବା ବେଳେ ଭଣ୍ଡାରପୁରୀ ଚମ୍ପିୟାନ ହୋଇଥିଲା । ସରପଞ୍ଚ ଶ୍ରୀମତୀ ବାଗ ଭଣ୍ଡାରପୁରୀ ଦଳକୁ ବିଜେତା ଭାବେ ପୁରଷ୍କାର ପ୍ରଦାନ କରିଥିବା ବେଳେ, ସୁକମାନିପୁର ଦଳକୁ ଉପବିଜେତା, ଆଲୋକ ସାହୁଙ୍କୁ ମେନ୍ ଅଫ୍ ଦ ମ୍ୟାଚ୍ ଓ ଭଗବାନ ଦୀପଙ୍କୁ ମ୍ୟାନ୍ ଅଫ୍ ଦ ଟୁର୍ଣ୍ଣାମେଣ୍ଟ ଭାବେ ପୁରଷ୍କାର ପ୍ରଦାନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟର ଅମ୍ପାୟାର ଭାର ପ୍ରମୋଦ ସାହୁ ଏବଂ ସରୋଜ ଦାସ ତୁଳାଇଥିବା ବେଳେ ସ୍କୋର ବୋର୍ଡକୁ ଦୁର୍ଜନ ସେଠା ଓ କମେଣ୍ଟର ଭାବେ ଓମ ପ୍ରକାଶ ସାହୁ ତୁଳାଇଥିଲେ । ଏହି ଖେଳରେ ମିଥୁନ ଦୀପ, ଯୋଗେନ୍ଦ୍ର ବାଗ, ବାଳମକୁନ୍ଦ କେଉଁଟ, ଗୋବିନ୍ଦ ସାହୁ, ଗଲୁ, ହରିହର ସାହୁ, ଡଙ୍କେଶ୍ୱର ପଟେଲ, ଫଟୁ ପଟେଲ ପ୍ରମୁଖ ସହଯୋଗ କରିଥିଲେ । ଏଥିରେ ଅନେକ ଦର୍ଶକ ଉପସ୍ଥିତ ରହି କ୍ରୀଡାକୁ ଉପଭୋଗ କରିଥିଲେ ।