ବାରିପଦା : ଶିମିଳିପାଳରେ ଭାଲୁ ଆକ୍ରମଣରେ ଜଣେ ଅସ୍ଥାୟୀ ବନ କର୍ମଚାରୀ ଆହାତ ହୋଇଥିବା ଜଣାପଡିଛି । ଆହତ ବନ ସୁରକ୍ଷା ସହାୟକ ଜଣକ ହେଲେ ବୁଧରାଇ ହେମ୍ବ୍ରମ୍ । ସୂଚନା ଅନୁସାରେ, ପିଠାବଟା ଗେଟ୍ ଲୁଲୁଙ୍ଗ ନିକଟସ୍ଥ ଶିଆଳିଘାଟି -ନମତି ନିକଟରେ ତିନୋଟି ଭାଲୁ ବନ କର୍ମଚାରୀଙ୍କୁ ଆକ୍ରମଣ କରିଥିଲେ । ଭାଲୁଙ୍କ ହାବୁଡ଼ରୁ ଚମ୍ପାଗଡ଼ ବିଟର ବନ କର୍ମଚାରୀ ବୁଧରାଇ ହେମ୍ବ୍ରମ ବର୍ତ୍ତି ପାରି ନଥିଲେ । ବୁଧୁରାଇଙ୍କ ଘର ବାରିପଦା ସଦର ଥାନା ଗୋଡ଼ିପୋଖରୀ ଗାଁର ବୋଲି ଜଣାପଡ଼ିଛି । ଗୁରୁତର ଅବସ୍ଥାରେ ବାରିପଦା ପିଆର୍ଏମ୍ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଛି ।