କଟକ : ପହଁରା ଶିଖୁଥିବା ବେଳେ ଯୋବ୍ରା ବ୍ୟାରେଜ ନିକଟରେ ବୁଡିଗଲେ ଯୁବକ । ଏ ସମ୍ପର୍କରେ ଅଗ୍ନିଶମ ବାହିନୀଙ୍କୁ ସୂଚନା ଦିଆଯାଇଥିଲା । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀର ଏକ ଟିମ୍ ପହଞ୍ଚି ନିଖୋଜ ଯୁବକଙ୍କୁ ଉଦ୍ଧାର କରିଛି । ସୂଚନା ମୁତାବକ, ସକାଳେ ଯୁବକ ଜଣ ମହାନଦୀର ଯୋବ୍ରା ବ୍ୟାରେଜ ନିକଟରେ ପହଁରା ଶିଖିବାକୁ ଆସିଥିଲେ । ହେଲେ ଯୁବକ ଜଣକ ମହାନଦୀର ଗଭୀର ଜଳ ସ୍ରୋତ ବୁଡ଼ି ନିଖୋଜ ହୋଇଗଲେ । ଘଟଣାସ୍ଥଳରେ ଉପସ୍ଥିତ ଥିବା ସ୍ଥାନୀୟ ମତ୍ସ୍ୟଜୀବୀମାନେ ପ୍ରଥମେ ଦେଶୀ ଡଙ୍ଗା ସାହାୟତାରେ ଯୁବକଙ୍କୁ ଖୋଜିବାକୁ ଆରମ୍ଭ କରିଥିଲେ । ପରେ ଏ ସମ୍ପର୍କରେ ଅଗ୍ନିଶମ ବାହିନୀ ଓ ପୋଲିସକୁ ସୂଚନା ଦିଆଯାଇଥିଲା । ଘଟଣାସ୍ଥଳରେ ଅଗ୍ନିଶମ ବାହିନୀ ପହଁଛି ଏକ ରବର ବୋଟ୍ରେ ସର୍ଚ୍ଚ ଅପରେସ୍ ଆରମ୍ଭ କରି ଯୁବକଙ୍କୁ ଉଦ୍ଧାର କରିଥିବା ଜଣାପଡିଛି । ତେବେ ନିଖୋଜ ଯୁବକ ଜଣକ ପୀର ବଜାର ଅଞ୍ଚଳର ବୋଲି ପ୍ରାଥମିକ ତଦନ୍ତରୁ ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ଯୁବକଙ୍କ ପରିଚୟ ଖୋଜିବା ଜାରି ରଖିଛି ।