ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ସଦର ମହକୁମା ଛତ୍ରପୁରର ପୋଲିସ ପଡିଆରେ ୬୦ତମ ଗୃହରକ୍ଷୀ ପ୍ରତିଷ୍ଠା ଦିବସ ଅବସରରେ ନିସ୍ଵାର୍ଥ ସେବା ପାଇଁ ଗଞ୍ଜାମ ଥାନାର ସୋମନାଥ ରେଡ୍ଡୀଙ୍କୁ ଶ୍ରେଷ୍ଠ ଗୃହରକ୍ଷୀ ଭାବେ ଜିଲ୍ଲା ମୁଖ୍ୟାଳୟ ପକ୍ଷରୁ ପୁରସ୍କୃତ କରାଯାଇଛି । ଜିଲ୍ଲା ଆରକ୍ଷୀ ଅଧିକ୍ଷକ (ଏସପି) ବ୍ରିଜେଶ କୁମାର ରାଏ ଏହି ପୁରସ୍କାର ପ୍ରଦାନ କରିଛନ୍ତି । ଥାନା ଆଇଆଇସି ସନ୍ତୋଷ କୁମାର ବେହେରା, ଏସ୍ଆଇ ଅଜିତ ପରିଡା, ନାରାୟଣ କହ୍ନର, ଏଏସ୍ଆଇ ସୁପ୍ରଭା ସାହୁ ପ୍ରମୁଖ ଏହି ଅବସରରେ ଶ୍ରେଷ୍ଠ ଗୃହରକ୍ଷୀ ରେଡ୍ଡୀଙ୍କୁ ଶୁଭେଚ୍ଛା ଜଣାଇଛନ୍ତି । ପୁରସ୍କାର ଗ୍ରହଣ ବେଳେ ଅତିରିକ୍ତ ଏସ୍ପି ବିଜୟ କୁମାର ମଲ୍ଲିକ, ଏଡିସନାଲ ଏସପି ପ୍ରଦୀପ କୁମାର ଦଳାଇ, ଏସ୍ଡିପିଓ ଗୌତମ କିଷାନଙ୍କ ସମେତ ଅନ୍ୟାନ୍ୟ ପୋଲିସ ଅଧିକାରୀ ଉପସ୍ଥିତ ଥିଲେ ।