ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ କଂସର ଗ୍ରାମ ପଞ୍ଚାୟତ ସଂପିଆ ଗ୍ରାମରେ ମୋବାଇଲ୍ ଟାୱାର ହେବ କେବେ ବୋଲି ସାଧାରଣରେ ପ୍ରଶ୍ନ ଉଠୁଛି । ସଂପିଆ ଗ୍ରାମରେ କୌଣସି ଟାୱାର ନ ଥିବାରୁ ସଂପିଆ ଗ୍ରାମର ଆଖପାଖ ଅଞ୍ଚଳରେ ଛୁଆମାନଙ୍କର ପାଠପଢ଼ା ବ୍ୟାହତ ହେବା ସଙ୍ଗେ ସଙ୍ଗେ ଲୋକଙ୍କର ବହୁତ ଅସୁବିଧା ହେଉଅଛି । କୌଣସି ଦରକାରୀ ସମୟରେ ଲୋକମାନଙ୍କ ଯୋଗାଯୋଗ ହୋଇ ପାରୁନାହିଁ କି ଅତି ଜରୁରୀ ସମୟରେ ରୋଗୀ ସେବା ପାଇଁ ଡାକ୍ତର କିମ୍ବା ଗର୍ଭବତୀ ମହିଳାଙ୍କୁ ନେବା ପାଇଁ ୧୦୮କୁ ମଧ୍ୟ ଯୋଗାଯୋଗ କରିବାରୁ ବଞ୍ଚିତ ହେଉଛନ୍ତି । ଏଥିପାଇଁ ସର୍ବ ସାଧାରଣଙ୍କର ତ୍ରୀବ ପ୍ରତିକ୍ରିୟ ପ୍ରକାଶ ପାଇଛି । ପ୍ରଶାସନ ଦୃଷ୍ଟି ଦେବାକୁ ଦାବୀ ହେଉଛି ।