ସମ୍ବଲପୁର : ସମ୍ବଲପୁର ଜିଲ୍ଲା ଧନକଉଡ଼ା ବ୍ଲକ ଅନ୍ତର୍ଗତ ଧନକଉଡ଼ା ଉଚ୍ଚ ପ୍ରାଥମିକ ବିଦ୍ୟାଳୟରେ ବିଶ୍ଵ ହାତ ଧୁଆ ଦିବସ ପାଳିତ ହୋଇଯାଇଛି । ୱର୍ଲ୍ଡ ଭିଜନ ସମ୍ବଲପୁର ଓ ୟୁପିଏଚ୍ସି ଧନକଉଡ଼ାର ମିଳିତ ଆନୁକୁଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ମେଡିକାଲ ଅଫିସର ଡାକ୍ତର ଦିଲିପ କୁମାର ମୁଦୁଲି ମୁଖ୍ୟ ଅତିଥି ଭାବେ ଯୋଗଦେଇ ହାତ ଧୁଆ ଉପରେ ଗୁରୁତ୍ୱାରୋପ କରିଥିଲେ । ଅନ୍ୟମାନଙ୍କ ମଧ୍ୟରେ ପିଏଚଏମ ଦିଲୀପ କୁମାର ନନ୍ଦ, ପ୍ରଧାନ ଶିକ୍ଷୟତ୍ରୀ ସଞ୍ଜୁ ଅଗ୍ରୱାଲ, କେଆର ଗ୍ରୁପ ସୁପରଭାଇଜର ଅନିତା ଷଡଙ୍ଗୀ ଓ କରିଷ୍ମା ହୋତା ସମ୍ମାନିତ ଅତିଥି ଭାବେ ଯୋଗଦେଇ ହାତ ଧୁଆର ଆବଶ୍ୟକତା ଉପରେ ଆଲୋକପାତ କରିଥିଲେ । ଏହି ଅବସରରେ ହାତ ଧୁଆ ସଚେତନତା ଉପରେ ଏକ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା । କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମକୁ ୱାର୍ଲ୍ଡ ଭିଜନ ସମ୍ବଲପୁର ସଂଯୋଜକ ସୁବ୍ରତ କୁମାର କ୍ଷେତ୍ରୀୟ ସଂଯୋଜନା କରିଥିବା ବେଳେ ସ୍କୁଲ ଛାତ୍ରଛାତ୍ରୀ ସମେତ ସ୍ଥାନୀୟ ଏଏନ୍ଏମ ଓ ଆଶା କର୍ମୀ ମଧ୍ୟ ସାମିଲ ହୋଇଥିଲେ ।