କଳାହାଣ୍ଡି, (ନରୋତ୍ତମ ସେଲମା) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ କବିଚନ୍ଦ୍ରପୁର ଠାରେ ମଟର ସାଇକେଲ ଦୁର୍ଘଟଣାରେ ଘଟଣା ସ୍ଥଳରେ ଜଣକର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଥିବା ଜଣାପଡ଼ିଛି ।ସୂଚନାଯୋଗ୍ୟ ଯେ, କର୍ଲାମୁଣ୍ଡା ବ୍ଲକ ରାଜପୁର ପଞ୍ଚାୟତ ସିଆଲପଲା ଗ୍ରାମର ମେଘୁ ରଣା(୪୫) ଓ ଧନମାଲି ରଣା(୩୫) କୌଣସି କାର୍ୟ୍ୟରେ ମଟର ସାଇକେଲ ଯୋଗେ ନିକଟସ୍ଥ ମଦନପୁରକୁ ଯାଇ ନିଜ ଘରକୁ ଫେରିବା ସମୟରେ କବିଚନ୍ଦ୍ରପୁରର ଏକ ବୁଲାଣିଆ ରାସ୍ତାରେ ମଟର ସାଇକେଲ ପିଟି ହୋଇଥିଲେ । ଫଳରେ ଘଟଣା ସ୍ଥଳରେ ହିଁ ମେଘୁ ରଣାଙ୍କ ମୃତ୍ୟୁ ଘଟିଥିବା ବେଳେ ଧନମାଲି ରଣା ଗୁରୁତର ଥିବାରୁ ତାଙ୍କୁ କର୍ଲାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ଜଣାପଡ଼ିଛି । ଏନେଇ ମ. ରାମପୁର ଥାନାରେ ଏକ ମାମଲା ରୁଜୁ ହୋଇଛି । ମୃତକଙ୍କ ଶବ ବ୍ୟବଚ୍ଛେଦ ପାଇଁ ମ. ରାମପୁର ପଠାଯାଇଥିବା ଜଣାପଡିଛି ।