ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା କଂଟାବାଂଜି ଥାନା ଅନ୍ତର୍ଗତ କୁକୁରାହାଡଠାରେ ଜମି ବିବାଦକୁ ନେଇ ଗଣ୍ଡଗୋଳ ହୋଇଥିବା ବେଳେ ଏଥିରେ ମଝିଆ ଭାଇର ଆକ୍ରମଣରେ ବଡ ଭାଇ ଗୁରୁତର ଭାବେ ବଲାଙ୍ଗିର ଭୀମ ଭୋଇ ମେଡିକାଲରେ ଭର୍ତ୍ତି ହୋଇଥିବା ଖବର ମିଳିଛି । ଗୁରୁତର ବ୍ୟକ୍ତି ଜଣକ କୁକୁରାହାଡ ଗ୍ରାମର ଗୋକୁଳ ପଟେଲ ବୋଲି ଜଣାପଡିଛି । ସୂଚନା ଅନୁସାରେ, ଗୋକୁଳଙ୍କ ପରିବାର ମଧ୍ୟରେ ଜମି ବିବାଦ ଲାଗି ରହିଥିବା ବେଳେ ଗତକାଲି ଏହି ଜମି ବିବାଦକୁ ନେଇ ଗୋକୁଳ ଓ ତାଙ୍କ ମଝିଆ ଭାଇ ଭିତରେ ଝଗଡା ହୋଇଥିଲା । ଗୋକୁଳଙ୍କ ମଝିଆ ଭାଇ ଏକ ବାଡି ସାହଯ୍ୟରେ ଆକ୍ରମଣ କରିବାରୁ ଗୋକୁଳଙ୍କ ମୁଣ୍ଡରେ ଗଭୀର ଆହତ ଲାଗିଥିବା ବେଳେ ଗୋକୁଳ ଗୁରୁତର ଭାବେ ଉଦ୍ଧାର ହୋଇ ବଲାଙ୍ଗିର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ଠାରେ ଭର୍ତ୍ତି ହୋଇଥିବା ଖବର ମିଳିଛି ।