ପାଟଣାଗଡ, (ଗୋରେଖନାଥ ବରିହା) : ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଲକ ରେଙ୍ଗାଲି ପଞ୍ଚାୟତ ନାଗଡେରା ଗାଁହର ଶୁକ୍ରବାର ଦିନ ବଜ୍ରାଘାତ ହେବାରୁ ଦୁଇ ବଳଦଙ୍କ ମୃତ୍ୟୁ ହୋଇଥିବା ଜଣାପଡିଛି । ପ୍ରାପ୍ତ ସୂଚନା ମୁତାବକ, ନାଗଡେରା ଗାଁର ସଦା ନାଗ ଓ ଫଗୁ ନାଗ ନିଜ ଚାଷ ଜମି ନିକଟରେ ଥିବା ଗଛମୂଳେ ସବୁ ଦିନ ପରି ବଳଦମାନଙ୍କୁ ବାନ୍ଧି ରଖିଥିଲେ । ଦିନ ସମୟରେ ପ୍ରବଳ ବର୍ଷା ସହ ବଜ୍ରାଘାତ ହୋଇଥିଲା । ଫଳରେ ଗଛମୂଳେ ଥିବା ଦୁଇଟି ବଳଦକୁ ବଜ୍ରାଘାତ ମାରିବା ଫଳରେ ତାଙ୍କର ମୃତ୍ୟୁ ହୋଇଛି । ଚାଷୀ ଦ୍ୱୟଙ୍କ ବଳଦ ମରିଯିବା ଫଳରେ ନିଜ ଚାଷ ଜମିକୁ କିପରି ଭାବରେ ଚାଷ କରିବେ ବୋଲି ଭାଙ୍ଗି ପଡିଛନ୍ତି । ଏଥିପ୍ରତି ପ୍ରଶାସନ ଧ୍ୟାନ ଦେଇ ଆବଶ୍ୟକ କ୍ଷତି ପୂରଣ ଯୋଗାଇ ଦେବା ପାଇଁ ସ୍ଥାନୀୟ ଅଞ୍ଚଳରେ ଦାବୀ ହେଉଛି ।