ମୁରିବାହାଲ, (କେପିଏନ୍ଏସ୍) : ମୁରିବାହାଲ ବ୍ଲକ ଗୋଇମୁଣ୍ଡ ପଞ୍ଚାୟତର ଚିତ୍ରାମୁଣ୍ଡା ଗ୍ରାମଠାରେ ତୈଳିକ ବୈଶ୍ୟ ସାହୁ ସମାଜ ପକ୍ଷରୁ ମୁରିବାହାଲ ବ୍ଲକ ସଭାପତି ବୈଧୃତ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଗାନ୍ଧୀ ଜୟନ୍ତୀ ଏବଂ ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଇଷ୍ଟ ଦେବୀଙ୍କ ପୂଜାର୍ଚ୍ଚନା ଓ ମହାତ୍ମା ଗାନ୍ଧୀଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରାଯାଇଥିଲା । ସମ୍ପାଦକ ହେରାମ ସାହୁ ଅତିଥିଙ୍କୁ ସ୍ୱାଗତ ଓ ପରିଚୟ ପ୍ରଦାନ କରିଥିଲେ । ଛାତ୍ରଛାତ୍ରୀଙ୍କ ଦ୍ଵାରା ଜାତୀୟ ସଙ୍ଗୀତ ଗାନ କରାଯାଇଥିଲା । ଅତିଥି ଭାବେ ଅବସରପ୍ରାପ୍ତ ଶିକ୍ଷକ ଦୟାନିଧି ସାହୁ, ଅଧ୍ୟାପକ ଉମାକାନ୍ତ ସାହୁ, ଟିଟିଲାଗଡ଼ ବ୍ଲକ ସଭାପତି ଅଭୟ ସାହୁ, ତୁରେକେଲା ବ୍ଲକ ସଭାପତି ବାଳକୃଷ୍ଣ ସାହୁ, କଳାହାଣ୍ଡି ଜିଲ୍ଲା କାର୍ଯ୍ୟକର୍ତା ଲକ୍ଷ୍ମଣ ସାହୁ, ତ୍ରିଲୋଚନ ସାହୁ, ଗଣ୍ଡାରାମ ସାହୁ, ଭୈରାମ ସାହୁ, ଗଣେଶ ସାହୁ, ପୂର୍ବ ସରପଞ୍ଚ ତପି ସାହୁ ପ୍ରମୁଖ ଯୋଗ ଦେଇଥିଲେ । ଅତିଥିଙ୍କୁ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । କୁରାଇ ପତ୍ରରେ ସାମୁହିକ ନବାନ୍ନ ଭକ୍ଷଣ କରାଯାଇଥିଲା । ଦୁର୍ବା ସାହୁ, ଶ୍ୟାମ ସାହୁ, କୁବେର ସାହୁ, ପ୍ରମୋଦ ସାହୁ, ବୈଲୋଚନ ସାହୁ, ଡିଲେଶ୍ଵର ସାହୁ, କମଳାକାନ୍ତ ସାହୁ, ବେଣୁଧର ସାହୁ, ଦୟାଲାଲ ସାହୁ, ପରିଚୟ ସାହୁ ପ୍ରମୁଖଙ୍କ ଶହ ଶତାଧିକ ଲୋକ ଉପସ୍ଥିତ ଥିଲେ ।