ନୂଆପଡ଼ା, (ନିରାକାର ମେହେର) : ନୂଆପଡ଼ା ଜିଲ୍ଲା କୋମନା ଥାନା ସୁନାବେଡା ଅଭୟାରଣ୍ୟ ତାଲାବେଲା ଗାଁରେ ବଜ୍ରାଘାତରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ମହିଳା ଜଣକ ହେଲେ ତାଲାବେଲା ଗାଁର ଶ୍ରାବଣୀ ମାଝି(୩୭) । ସୂଚନାନୁଯାୟୀ, ଗତକାଲି ସନ୍ଧ୍ୟାରେ ତାଲାବେଲା ଗାଁର ଡ଼ମୃଧର ମାଝିଙ୍କ ସ୍ତ୍ରୀ ଶ୍ରାବଣୀ ଘର ବାରଣ୍ଡାରେ ବସିଥିଲେ । ଏତିକି ବେଳେ ପ୍ରବଳ ଝଡ଼ବର୍ଷା ସହ ଘଡଘଡି ହୋଇଥିଲା । ସେଠାରେ ଶ୍ରାବଣୀଙ୍କ ଉପରେ ବଜ୍ରାଘାତ ହେବାରୁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ରାତିରେ ଅଭୟାରଣ୍ୟ ଭିତରେ ମୃତଦେହ ତଳକୁ ଆଣିବା ସମ୍ଭବ ହୋଇନଥିଲା । ମୃତଦେହ କୋମନା ସିଏଚସିରେ ପହଞ୍ଚିଥିବା ବେଳେ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି କୋମନା ପୁଲିସ ସୂଚନା ଦେଇଛି ।