ଢାକା : ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା କହିଛନ୍ତି ଯେ, ଦେଶର ହିନ୍ଦୁ ସମ୍ପ୍ରଦାୟର ମଧ୍ୟ ସେଭଳି ଅଧିକାର ରହିଛି, ଯେତିକି ତାଙ୍କର ଅଧିକାର ଅଛି । ସେ କହିଛନ୍ତି ଯେ, ଦୁର୍ଗା ପୂଜା ସମୟରେ ପଶ୍ଚିମବଙ୍ଗରେ ଯେତିକି ମାଣ୍ଡପ ଲାଗେ, ତାଠାରୁ ଅଧିକ ଢାକାରେ ଲାଗେ । ଶେଖ ହସିନା ଗୁରୁବାର ଦିନ ଜନ୍ମାଷ୍ଟମୀ ଅବସରରେ ହିନ୍ଦୁ ସମ୍ପ୍ରଦାୟର ନେତାଙ୍କ ସହ କଥାବାର୍ତ୍ତା କରିଥିଲେ ଏବଂ ଯେଉଁମାନେ ଇସଲାମ ବ୍ୟତୀତ ଅନ୍ୟ ଧର୍ମରେ ବିଶ୍ୱାସ କରନ୍ତି, ସେମାନଙ୍କୁ ନିଜକୁ ସଂଖ୍ୟାଲଘୁ ବୋଲି ନ ଭାବିବାକୁ ନିବେଦନ କରିଥିଲେ ।
ଶେଖ ହସିନା କହିଛନ୍ତି ଯେ, ବାଂଲାଦେଶରେ ଧର୍ମର ଉପରେ ସମସ୍ତଙ୍କର ସମାନ ଅଧିକାର ରହିଛି । ‘ଢାକା ଟ୍ରିବ୍ୟୁନ୍’ ଖବରକାଗଜରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ହସିନା କହିଛନ୍ତି ଯେ, ଆମେ ଚାହୁଁ ଯେ ସମସ୍ତ ଧର୍ମର ଲୋକମାନେ ସମାନ ଅଧିକାର ସହ ବଞ୍ଚନ୍ତୁ । ତୁମେ ଏହି ଦେଶର ଲୋକ, ଏଠାରେ ତୁମର ସମାନ ଅଧିକାର ଅଛି, ମୋର ଯେତିକି ଅଧିକାର ରହିଛି, ତୁମର ବି ସେହି ସମାନ ଅଧିକାର ଅଛି । ଢାକାର ଢାକେଶ୍ୱରୀ ମନ୍ଦିର ଏବଂ ଚଟୋଗ୍ରାମର ଜେଏମ ସେନ ଅଡିଟୋରିୟମରେ ଡିଜିଟାଲ ମାଧ୍ୟମ କାର୍ଯ୍ୟକ୍ରମରେ ହସିନା ଯୋଗ ଦେଇଥିଲେ ।