ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ରାସ୍ତାରେ ଯାଉଥିବା ଏକ କାର୍ ହଠାତ୍ ଘର କାନ୍ଥରେ ପିଟି ହୋଇ ଭିତରକୁ ଫଶି ଘର ସମ୍ମୁଖରେ ଭାଙ୍ଗି ଚୁର୍ମାର୍ ହୋଇଯାଇଥିବା ବେଳେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି । ଗୁରୁବାର ରାତିରେ ଏକ କାର୍ ଆଙ୍କୁଲି ଦେଇ ଯାଉଥିବା ବେଳେ ଏହି ଦୁର୍ଘଟଣା ଘଟିଛି ।
ଖବର ପାଇ ଟ୍ରାଫିକ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । କ୍ରେନ ସାହାଯ୍ୟରେ କାର୍କୁ ବାହାର କରାଯାଇଥିଲା । କାର ଚାଳକ ଡି.ଭେଙ୍କଟ ରାଓ ଆହତ ହୋଇଛନ୍ତି । କାର ଚାଳକଙ୍କ ବେପରୁଆ ଗାଡ଼ି ଚାଳନା ଯୋଗୁ ଏଭଳି ଦୁର୍ଘଟଣା ଘଟିଥିବା ଟ୍ରାଫିକ ଥାନା ପୋଲିସ ପକ୍ଷରୁ କୁହାଯାଇଛି । ପୋଲିସ କାରକୁ ଜବତ କରିଛି ।