ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଅଞ୍ଚଳ ମହାବିଦ୍ୟାଳୟ ରସାୟନ ବିଜ୍ଞାନ ବିଭାଗର ମୁଖ୍ୟ ଡେମୋଷ୍ଟ୍ରେଟର୍ ଶ୍ରୀ ଚୌବନ୍ ସ୍ୱାଇଁଙ୍କ ଅବସର କାଳୀନ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ପ୍ରଥମେ ଚୌବାନ୍ ସ୍ୱାଇଁ ସାରଙ୍କୁ ଏକ ପୁଷ୍ପଗୁଚ୍ଛ ଦେଇ ସ୍ୱାଗତ କରାଯାଇଥିଲା । ତତ୍ପରେ ବିଭାଗୀୟ ମୁଖ୍ୟ ଡ. ମନୋଜ କୁମାର ପ୍ରଧାନ ସଭାପତିତ୍ୱ କରି ସଭାକୁ ଆଗକୁ ନେଇଥିଲେ । ବିଭାଗର ଅନ୍ୟାନ୍ୟ ଅଧ୍ୟାପକ ଶ୍ରୀ ଚନ୍ଦ୍ରକାନ୍ତ ସୁନା, ଶ୍ରୀ ଦେବାଶିଷ ସାହୁ, ଶ୍ରୀ ହୃଦୟାନଦ ପାତ୍ର , ଶ୍ରୀ ସ୍ୱାଇଁ ସାରଙ୍କ ଏହି ମହାବିଦ୍ୟାଳୟରେ ୩୭ ବର୍ଷ କାର୍ଯ୍ୟକାଳର ଅନୁଭୂତି ତଥା ତାଙ୍କ ନିଷ୍ଠାପର ଏବଂ ନିସ୍ୱାର୍ଥପର କାର୍ଯ୍ୟ ସମ୍ପର୍କରେ ବର୍ଣ୍ଣନା କରିଥିଲେ । ଶ୍ରୀ ସ୍ୱାଇଁ ସାର୍ ମଧ୍ୟ ତାଙ୍କର ଏହି କାର୍ଯ୍ୟକାଳ ମଧ୍ୟରେ ବିଭାଗ ସହ ଜଡ଼ିତ ଥିବା ସମସ୍ତ ଅନୁଭୂତିକୁ ବିସ୍ତୃତ ଭାବରେ ବଖାଣି ଥିଲେ । ଏହି ସମ୍ବର୍ଦ୍ଧନା ସଭାକୁ ବିଭାଗର ପ୍ରଥମ, ଦ୍ଵିତୀୟ ଏବଂ ତୃତୀୟ ବର୍ଷର ଛାତ୍ରଛାତ୍ରୀ ମାନେ ଆୟୋଜନ କରି ସୂଚାରୁ ରୂପେ ପରିଚାଳନା କରିଥିଲେ ଏବଂ ଶ୍ରୀ ସ୍ୱାଇଁ ସାରଙ୍କ ଅବଶିଷ୍ଟ ଜୀବନର ସୁସ୍ଥ, ସୁନ୍ଦର, ସୁଖମୟ ଓ ଦୀର୍ଘାୟୁ କାମନା କରିଥିଲେ । ଏହି ସମ୍ବର୍ଦ୍ଧନା ସଭାରେ ଡ. ମନୋଜ କୁମାର ପ୍ରଧାନ ତାଙ୍କୁ ଏକ ସ୍ମାରକପତ୍ର ଦେଇ ସମ୍ବର୍ଦ୍ଧିତ କରିଥିଲେ । ଶେଷରେ ଅଧ୍ୟାପକ ଶ୍ରୀ ଚନ୍ଦ୍ରକାନ୍ତ ସୁନା ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭାକୁ ସାଙ୍ଗ କରିଥିଲେ ।