ଭୁବନେଶ୍ୱର, (କେପିଏନ୍ଏସ୍) : ନାବାର୍ଡ ପକ୍ଷରୁ ଆୟୋଜିତ ଷ୍ଟେଟ୍ କ୍ରେଡିଟ୍ ସେମିନାର ଅନୁଷ୍ଠିତ ହୋଇଯାଇଛି । ଉକ୍ତ ସେମିନାରରେ ନାବାର୍ଡ ଦ୍ୱାରା ପ୍ରସ୍ତୁତ ‘ଷ୍ଟେଟ ଫୋକସ୍ ପେପର୍ ୨୦୨୩-୨୪’ ପୁସ୍ତିକାର ଉନ୍ମୋଚନ କରାଯିବା ସହ ଓଡ଼ିଶାର ପ୍ରାଥମିକ କ୍ଷେତ୍ରରେ ୨୦୨୩-୨୪ ବର୍ଷ ପାଇଁ ସର୍ବମୋଟ ୧,୬୦,୨୮୦ କୋଟି ଟଙ୍କାର ଋଣ ଆକଳନ କରାଯାଇଛି । ଏହି ଅବସରରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଏହାର ଉଦ୍ଘାଟନ କରିବା ସହ ରାଜ୍ୟ ସରକାରଙ୍କର ବିଭିନ୍ନ ବିକାଶମୂଳକ ଯୋଜନା ଉପରେ ଆଲୋକପାତ କରିଥିଲେ । ସେହିପରି ଅତିରିକ୍ତ ମୁଖ୍ୟ ଶାସନ ସଚିବ ତଥା କୃଷି ଉପତ୍ପାଦନ କମିଶନର ପ୍ରଦୀପ ଜେନା କହିଛନ୍ତି, ଓଡ଼ିଶାର ଦୃତ ଏବଂ ଉନ୍ନିତ ଅଭିବୃଦ୍ଧି ବିଷୟରେ ମତ ରଖିବା ସହିତ ରାଜ୍ୟର ବିକାଶ ପାଇଁ ଓ ଚଳିତ ବର୍ଷର ଲକ୍ଷ୍ୟ ହାସଲ କରିବା ପାଇଁ ବ୍ୟାଙ୍କ ଗୁଡ଼ିକ ତାଙ୍କର ଋଣ ପ୍ରଦାନ ନୀତିରେ ଉନ୍ନିତ ଆଣିବାକୁ ପରାମର୍ଶ ଦେଇଥିଲେ ଏବଂ ଷ୍ଟାଟଅର୍ପ ଗୁଡ଼ିକୁ ମଧ୍ୟ ଋଣର ଆବଶ୍ୟକତା ଅଛି । ତେଣୁ ବ୍ୟାଙ୍କ ମାନେ ଆଗକୁ ଆସିବା ଆବଶ୍ୟକ ବୋଲି କହିଥିଲେ । ସେହିଭଳି ଅର୍ଥସଚିବ ବିଶାଲ ଦେବ କହିଥିଲେ, ଓଡ଼ିଶାରେ ବ୍ୟାଙ୍କ ମାନଙ୍କ ଦ୍ୱାରା ପ୍ରାଥିମିକ କ୍ଷେତ୍ର ପାଇଁ ଦିଆଯାଉଥିବା ଋଣର ଉନ୍ନିତ ଏବଂ ତାହାର ଅଧ୍ୟୟନ ଜରୁରୀ ଅଟେ । କାର୍ଯ୍ୟକ୍ରମ ପ୍ରାରମ୍ଭରେ ନାବାର୍ଡ ଓଡ଼ିଶା କ୍ଷେତ୍ରୀୟ କାର୍ଯ୍ୟାଳୟରେ ମୁଖ୍ୟ ମହାପ୍ରବନ୍ଧକ ସି.ଉଦୟ ଭାସ୍କର ଅତିଥି ମାନଙ୍କୁ ସ୍ୱାଗତ କରିବା ସହ ଚଳିତ ବର୍ଷର ପ୍ରାଥିମିକ କ୍ଷେତ୍ର କୃଷି ତଥା ସହଯୋଗୀ କାର୍ଯ୍ୟକଳାପ କ୍ଷେତ୍ରରେ ଲକ୍ଷ୍ୟ ହାସଲ କରିବା ପାଇଁ ମିଳିତ ପ୍ରୟାସ କରାଯିବାର ଆବଶ୍ୟକତା ବିଷୟରେ ନିଜର ମତବ୍ୟକ୍ତ କରିଥିଲେ । ଉକ୍ତ କାର୍ଯ୍ୟକ୍ରମରେ ଜିଲ୍ଲା ସ୍ତରରେ ନାବାର୍ଡର ସଫଳ ହସ୍ତକ୍ଷେପ ସମ୍ପର୍କକୁ ଭିତ୍ତିକରି ଏକ ପୁସ୍ତିକା ‘ପ୍ରତିଧ୍ୱିନ’ ଉନ୍ମୋଚନ କରାଯାଇଥିଲା ।