ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ପଞ୍ଚାୟତର ପ୍ରତ୍ୟେକ ଗଳିକନ୍ଦିରେ ଯାଇଥିବା ରାସ୍ତାର ଅବସ୍ଥା ପ୍ରଶାସନିକ ଅବହେଳା ଯୋଗୁଁ ଅତ୍ୟନ୍ତ ଦୁରବସ୍ଥାରେ ରହିଛି । ବର୍ତ୍ତମାନ, ପାଇକମାଲ ନରସିଂହପଡାରୁ ବାଲୋକୋପଡା ପର୍ଯ୍ୟନ୍ତର ୧.୫ କି.ମି ରାସ୍ତାର ଅବସ୍ଥା ଏହି ଅବହେଳାର ପରିଣାମରୁ ଶୋଚନୀୟ ଅବସ୍ଥାକୁ ପହଞ୍ଚିଛି । ଏହି ରାସ୍ତା ୧୫ ବର୍ଷ ପୂର୍ବରୁ ନିର୍ମାଣ ହୋଇଥିଲେ ମଧ୍ୟ, ଏପର୍ଯ୍ୟନ୍ତ ପ୍ରଶାସନ କୌଣସି ମରାମତି କାମ କରିବାକୁ ଇଚ୍ଛା ପ୍ରକାଶ କରିନାହାନ୍ତି । ଏହାର ଫଳରେ, ରାସ୍ତାରେ ବଡ ବଡ ଖାଳକୁ ଭରି ପାଣି ଜମି ରହିଛି ଓ ତାହାର ନିଷ୍କାସନ ବ୍ୟବସ୍ଥା ନଥିବାରୁ ଏହା ଆହୁରି ଅବସ୍ଥାକୁ ଖରାପ କରିଛି । ଏହି ରାସ୍ତା ଦିନ ପ୍ରତିଦିନ ଛାତ୍ରଛାତ୍ରୀ ଓ ବିଭିନ୍ନ ବୟସର ଲୋକମାନଙ୍କ ପାଇଁ ଜୀବନର ବିରାମହୀନ ଯାତ୍ରାରେ ବଘାଇଁ ହେଉଛି । ଲୋକମାନେ ମନ୍ତବ୍ୟ କରୁଛନ୍ତି ଯେ, ପ୍ରଶାସନକୁ ଏହି ସମସ୍ୟା ନିବେଦନ କଲେ ମଧ୍ୟ, କୌଣସି ପ୍ରତିକ୍ରିୟା ମିଳି ନାହିଁ । ପାଇକମାଲର ବିଡିଓ ଅଫିସର ଅବସ୍ଥିତି ଥିଲେ ସରକାରୀ କର୍ତ୍ତୃପକ୍ଷ ଏହାକୁ ଅଣଦେଖା କରିଛନ୍ତି । ଏପରି ସ୍ଥିତିରେ ଲୋକମାନେ ଶୀଘ୍ର ଏହି ରାସ୍ତାର ମରାମତି ଦାବି କରୁଛନ୍ତି ।