ରାଉରକେଲା, (ସସ୍ମିତା ପ୍ରଧାନ) : ସୁବର୍ଣ୍ଣ ଜୟନ୍ତୀ ପାଳନ ପାଇଁ ରାଉରକେଲା ଆଇନ ମହାବିଦ୍ୟାଳୟରେ ଆନ୍ତଃ ମହାବିଦ୍ୟାଳୟ ଏକକ ସଂଗୀତ ଓ ସାମାଜିକ ବାର୍ତ୍ତା ରିଲ୍ସ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ପ୍ରତିଯୋଗିତା ଗୁଡିକରେ ବିଚାରକ ଭାବେ ଗୁରୁ ପ୍ରଦୀପ କୁମାର ପଣ୍ଡା, ଗୁରୁ ସ୍ୱର୍ଣ୍ଣଲେଖା ମହନ୍ତ, ବରିଷ୍ଠ ସାମ୍ବାଦିକ କୁଞ୍ଜବିହାରୀ ରାଉତ ଓ ଦେବବ୍ରତ ପଟ୍ଟନାୟକ ପ୍ରମୁଖ ଯୋଗଦେଇ ମୂଲ୍ୟାଙ୍କନ କରିଥିଲେ । ଏହି ଉଭୟ ପ୍ରତିଯୋଗିତାରେ ରାଉରକେଲା ଆଇନ ମହାବିଦ୍ୟାଳୟ, ମ୍ୟୁନିସିପାଲ ମହାବିଦ୍ୟାଳୟ, ଇସ୍ପାତ ବିଦ୍ୟାମନ୍ଦିର, ଆଇଆଇପିଏମ୍, ବିଇଡି କଲେଜ, ଏସ୍ଜି ମହିଳା ମହାବିଦ୍ୟାଳୟ, ହୋମିଓପାଥିକ କଲେଜ, ଡାମିଟ୍ସ, ହାଇଟେକ୍ ମେଡିକାଲ୍ କଲେଜ ଓ ରାଜଗାଙ୍ଗପୁର କଲେଜର ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ । ସଂଗୀତ ପ୍ରତିଯୋଗିତାରେ ତବଲାରେ ଗୁରୁ ଗୌରାଙ୍ଗ ଗୋଛାୟତ, କେସିଓରେ ଗୁରୁଦେବ ରଣା ସହଯୋଗ କରିଥିଲେ । ସୂଚନାଯୋଗ୍ୟ ଯେ, ଏହି ପ୍ରତିଯୋଗିତା ଗୁଡିକରେ କୃତିତ୍ୱ ହାସଲ କରିଥିବା ପ୍ରତିଯୋଗୀଙ୍କୁ ଆସନ୍ତା ନଭେମ୍ବର ମାସରେ ହେବାକୁ ଥିବା ସୁବର୍ଣ୍ଣ ଜୟନ୍ତୀ ପାଳନ ଅବସରରେ ପୁରସ୍କୃତ କରାଯିବ । ଧରିତ୍ରୀ ରଞ୍ଜନ ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ କଲେଜର ଭାରପ୍ରାପ୍ତ ଅଧ୍ୟକ୍ଷା ଡ. ସମ୍ପାଦିକା ମହାନ୍ତି, ଡ. ତନ୍ମୟ ରାଜ ପାଢ଼ୀ, ଡ଼. ଦିବ୍ୟେନ୍ଦୁ ପଣ୍ଡା, ଅନୁସ୍ମିତା ମହାନ୍ତି, ମନୋରଞ୍ଜନ ମହାନ୍ତି, ସୁଜାତା ନାୟକ, ଲକ୍ଷ୍ମୀପ୍ରିୟା ସାହୁ, ଦେବାଶିଷ ବେହେରା, ଟେକ୍ନିକାଲ ବିଶେଷଜ୍ଞ ଅକ୍ଷୟ ଦାଶ, ଅମିତା ଜେନା ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । କାର୍ଯ୍ୟକ୍ରମ ପରିଚାଳନାରେ ନନ୍ଦକିଶୋର ମହନ୍ତ, ହୃଦୟ ରଞ୍ଜନ ମହାନ୍ତି, ଆୟୁଷ୍ମାନ ସାହୁ, ଦେବକୀ କାରୁଆ, ରବିନ୍ଦ୍ର ବାଲମୁଚୁ, ରଜତ ମହନ୍ତ ପ୍ରମୁଖ ସହଯୋଗ କରିଥିଲେ । ଶେଷରେ ଛାତ୍ରୀ ରୀତୁ କୁମାରୀ ଧନ୍ୟବାଦ ଅର୍ପଣ କରିଥିଲେ ।