ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ର ଓମ୍ ସା ମଧ୍ୟପ୍ରଦେଶର ଭୋପାଳ ଠାରେ ଆୟୋଜିତ ୬୮ତମ ଜାତୀୟ ସ୍କୁଲ ଖେଳ ପ୍ରତିଯୋଗିତାରେ ଓଡ଼ିଶା ଟିମରୁ କବାଡି ଖେଲାଳି ଭାବେ ଅଂଶଗ୍ରହଣ କରିଥିଲେ । ବଙ୍ଗୋମୁଣ୍ଡା ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟର ଖେଳ ଶିକ୍ଷକ ହେମନ୍ତ ପଧାନଙ୍କ ତତ୍ୱାବଧାନରେ ସୁନ୍ଦରଗଡ ଜିଲ୍ଲାର କୁତ୍ରା ପ୍ରଶିକ୍ଷଣ ଶିବିରରେ ୧୦ ଦିନ ପ୍ରଶିକ୍ଷଣ ନେବା ପରେ ମଧ୍ୟପ୍ରଦେଶର ଭୋପାଳ ଠାରେ କବାଡି ପ୍ରତିଯୋଗୀ ଭାବରେ ଯୋଗ ଦେଇଥିଲେ । ଓଡ଼ିଶା ଟିମ୍ରୁ ବଙ୍ଗୋମୁଣ୍ଡାର ଜଣେ ଛାତ୍ର ଅଂଶ ଗ୍ରହଣ କରି ଅଞ୍ଚଳର ଗୌରବ ବଢାଇଥିଲେ । ବଙ୍ଗୋମୁଣ୍ଡା ପଞ୍ଚାୟତ ଠାରେ ରାଜ୍ୟ ଯୁବ ବିଜେଡି ସମ୍ପାଦକ ତଥା ସରପଞ୍ଚ ଅଜିତ କୁମାର ଯୋଶୀ ଏହି ଜାତୀୟ ଖେଲାଳିଙ୍କୁ ସମ୍ବର୍ଦ୍ଧନା ଦେଇଥିଲେ । ବଙ୍ଗୋମୁଣ୍ଡା ଭଲି ଏକ ଅବହେଳିତ ଅଞ୍ଚଳରୁ ଜଣେ ଛାତ୍ର ଖେଳାଳି ଯୋଗଦେଇ ଅଞ୍ଚଳର ଗୌରବ ବଢାଇଥିଲେ । ଉତ୍କୃଷ୍ଟ ଖେଳ ପ୍ରଦର୍ଶନ କରିଥିବା ଏହି ଛାତ୍ରଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା ।