ପୁରୀ, (ଦିଲ୍ଲୀପ କୁମାର ଧାଉଡିଆ) : ପୁରୀ ଜିଲ୍ଲା ପିପିଲି ଥାନା ଅନ୍ତର୍ଗତ ପୋପରଙ୍ଗା ପଞ୍ଚାୟତ ବିନ୍ଧା-ରଘୁନାଥପୁର ସନ୍ନିକଟ ଦୟାନଦୀ ପଠାରୁ ସୋମବାର ଏକ ୬୦କେଜି ଓଜନର ବାଲିକଇଁଛକୁ ଗ୍ରାମବାସୀଙ୍କ ସହଯୋଗରେ ବନବିଭାଗ ସୁରକ୍ଷିତ ଭାବେ ଉଦ୍ଧାର କରିଛି । ଏହି କଇଁଛଟିର ଲମ୍ବ ୪ଫୁଟ୍ ୩ଇଞ୍ଚ ହୋଇଥିବା ବେଳେ ଓସାର ୨ଫୁଟ୍ ରହିଛି । ଉକ୍ତ ବାଲିକଇଁଛକୁ ପିପିଲି ସ୍ଥିତ ପଶୁ ଡାକ୍ତରଖାନାରେ ସ୍ୱାସ୍ଥ୍ୟ ପରୀକ୍ଷା କରାଇବା ପରେ ବନବିଭାଗ ପକ୍ଷରୁ କଟକ ଜୋବ୍ରା ସ୍ଥିତ ମହାନଦୀରେ ସୁରକ୍ଷିତ ଭାବେ ଛାଡି ଦିଆଯାଇଥିବା ଜଣାପଡ଼ିଛି ।