ବରଗଡ଼, (ସତ୍ୟନାରାଣେ ପ୍ରଧାନ) : ଗତ ୨୮ ତାରିଖ ରାତିରେ ଅତାବିରାର ଜନୈକ ଯୁବକଙ୍କ ଅମ୍ବାପାଲି ବଞ୍ଜାରି ନାଳା ନିକଟ ଏକ ପଡ଼ିଆରେ ଗଳାକାଟି ହତ୍ୟା କରାଯାଇଥିଲା । ଟାଉନ ଥାନା ପୋଲିସ ତତ୍ପରତା ସହ ଘଟଣାର ତଦନ୍ତ କରି ୪୮ ଘଣ୍ଟା ମଧ୍ୟରେ ୨ ଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛନ୍ତି । ଏ ସଂକ୍ରାନ୍ତରେ ଟାଉନ ଥାନା ପରିସରରେ ଆଇଆଇସି ସଦାନନ୍ଦ ପୂଜାରୀ ଏବଂ ଉପଖଣ୍ଡ ପୋଲିସ ଅଧିକାରୀ ଦୀପକ କୁମାର ଗୋଚ୍ଛାୟତ ସାମ୍ବାଦିକ ମାନଙ୍କୁ ସୂଚନା ଦେଇଥିଲେ ।