ଅମରାବତୀ : ତେଲୁଗୁ ଦେଶମ୍ ପାର୍ଟି (ଟିଡିପି) ସଭାପତି ଏନ୍ ଚନ୍ଦ୍ରବାବୁ ନାଇଡୁ କ୍ଷମତାକୁ ନଆସିବା ପର୍ୟ୍ୟନ୍ତ ଆନ୍ଧ୍ରପ୍ରଦେଶ ବିଧାନସଭା ଗୃହକୁ ଆସିବେ ନାହିିଁ ବୋଲି ଶପଥ ନେଇଛନ୍ତି । ବିରୋଧୀ ଦଳର ଜଣେ ଭାବପ୍ରବଣ ନେତା ଗୃହରେ କହିଛନ୍ତି ଯେ, ଶାସକ ୱାଇଏସ୍ଆର୍ କଂଗ୍ରେସ ସଦସ୍ୟମାନେ ତାଙ୍କ ବିରୋଧରେ ଲଗାତାର ଅପଶବ୍ଦ ବ୍ୟବହାର କରିଥିବାରୁ ସେ ଆହତ ହୋଇଥିଲେ । ନାଇଡୁ କହିଛନ୍ତି, ଗତ ଅଢେ଼ଇ ବର୍ଷ ଧରି ମୁଁ ଅପମାନର ସମ୍ମୁଖୀନ ହୋଇଥିଲି, ତଥାପି କିନ୍ତୁ ଶାନ୍ତ ରହିଥିଲି । ଆଜି ସେମାନେ ମୋ ପତ୍ନୀଙ୍କୁ ମଧ୍ୟ ଟାର୍ଗେଟ କରିଛନ୍ତି । ମୁଁ ସର୍ବଦା ସମ୍ମାନର ସହ ଏବଂ ସମ୍ମାନ ପାଇଁ ଛିଡା ହୋଇଛି । ମୁଁ ଆଉ ଏହାକୁ ସହି ପାରିବି ନାହିଁ ।
ବାଚସ୍ପତି ତାମିନେନି ସୀତାରାମ ତାଙ୍କର ମାଇକ୍ କଣ୍ଟାକ୍ଟ କାଟିବା ପରେ ମଧ୍ୟ ନାଇଡୁ କଥା କହିବା ଜାରି ରଖିଥିଲେ । କହିଥିଲେ, ଶାସକ ଦଳର ସଦସ୍ୟମାନେ ନାଇଡୁଙ୍କ ମନ୍ତବ୍ୟକୁ ଏକ ‘ନାଟକ’ ବୋଲି କହିଛନ୍ତି । କୃଷି କ୍ଷେତ୍ର ଉପରେ ସଂକ୍ଷିପ୍ତ ଆଲୋଚନା ବେଳେ ଗୃହରେ ଉଭୟ ପକ୍ଷ ମଧ୍ୟରେ ତୀବ୍ର ଯୁକ୍ତିତର୍କ ପରେ ପୂର୍ବତନ ମୁଖ୍ୟମନ୍ତ୍ରୀ ଅସନ୍ତୋଷ ବ୍ୟକ୍ତ କରିଛନ୍ତି । ପରେ ସେ ତାଙ୍କ ଚାମ୍ବରରେ ତାଙ୍କ ଦଳର ବିଧାୟକଙ୍କ ସହ ହଠାତ୍ ସାକ୍ଷାତ କରିଥିଲେ, ଯେଉଁଠାରେ ସେ ଅତ୍ୟନ୍ତ ଭାବପ୍ରବଣ ହୋଇପଡିଥିଲେ । ଚକିତ ଟିଡିପି ବିଧାୟକମାନେ ନାଇଡୁଙ୍କୁ ସାନ୍ତ୍ୱନା ଦେଇଥିଲେ, ଏହା ପରେ ସେମାନେ ସମସ୍ତେ ଘରକୁ ଫେରିଥିଲେ ।