ହାଇଦ୍ରାବାଦ ଗ୍ୟାଙ୍ଗ ରେଫ୍ ମାମଲାରେ ଗିରଫ ହେଲେ ୫ ଜଣ ନାବାଳକଙ୍କ ସମେତ ୬ ଜଣ, ଜଣେ ଅଭିଯୁକ୍ତ ବିଧାୟକଙ୍କ ପୁଅ
ହାଇଦ୍ରାବାଦ : ଗତ ମାସରେ ତେଲେଙ୍ଗାନାର ହାଇଦ୍ରାବାଦରେ ଜଣେ ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗରେ ପୋଲିସ ୬ ଜଣ ଅଭିଯୁକ୍ତକୁ ଗିରଫ କରିଛି । ହାଇଦ୍ରାବାଦ ପୋଲିସ କମିଶନର ସି.ଭି ଆନନ୍ଦ ମଙ୍ଗଳବାର ରାତିରେ ଗଣମାଧ୍ୟମକୁ କହିଛନ୍ତି – ଏହି ମାମଲାରେ ୬ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କ ମଧ୍ୟରୁ ଜଣେ ମାତ୍ର ବୟସ୍କ, ବାକି ସମସ୍ତେ ନାବାଳକ । ଏହାପୂର୍ବରୁ ପୋଲିସ ୫ ଜଣ ଅଭିଯୁକ୍ତଙ୍କୁ ଗିରଫ କରିଥିଲା । ଏହି ମାମଲାରେ ରାଜନୈତିକ ସଂଯୋଗ ମଧ୍ୟ ସାମ୍ନାକୁ ଆସିଛି । କୁହାଯାଉଛି ଯେ, ଅଭିଯୁକ୍ତମାନଙ୍କ ମଧ୍ୟରୁ ଜଣେ ବିଧାୟକଙ୍କ ପୁଅ, ବାକି ଅଭିଯୁକ୍ତମାନେ ଉଚ୍ଚ ପ୍ରୋଫାଇଲର ଅଟନ୍ତି । ସୂଚନା ଅନୁସାରେ ମେ ୨୮ ରେ, ହାଇଦ୍ରାବାଦର ଜୁବୁଲି ପାହାଡରେ ଏକ କାରରେ ୧୭ ବର୍ଷର ଜଣେ ଝିଅଙ୍କୁ ଗ୍ୟାଙ୍ଗ ରେଫ୍ ମାମଲା ସାମ୍ନାକୁ ଆସିଥିଲା । ସୂଚନା ଅନୁଯାୟୀ, କିଛି ନାବାଳକ ପୁଅ ସେଠାରେ ଜଣେ ନାବାଳିକା ଝିଅ ସହିତ ସାକ୍ଷାତ କରିଥିଲେ ଏବଂ ବାହାନା କରି ଝିଅଟିକୁ କାରରେ ନେଇ ତାଙ୍କୁ ଗଣଦୁଷ୍କର୍ମ କରିଥିଲେ । ପୋଲିସ ସୂଚନାନୁସାରେ, ଝିଅଟି ଘରେ ପହଞ୍ଚିବା ପରେ ବେକରେ ସ୍କ୍ରାଚ୍ ଚିହ୍ନ ଦେଖି ପିତାମାତା ତାଙ୍କୁ ଘଟଣା ସଂପର୍କରେ ପଚାରିଥିଲେ । ତେବେ ଝିଅଟି ତାଙ୍କ ସହ କ’ଣ ଘଟିଥିଲା, ତାହା କହିଥିଲା । ଏହି ଘଟଣା ମେ ୨୮ ରେ ଘଟିଥିଲା ଏବଂ ଝିଅର ପିତା ମେ ୩୧ ରେ ଅଭିଯୋଗ କରିଥିଲେ । ଏହା ପରେ ପୋଲିସ ଘଟଣାର ତଦନ୍ତ ଆରମ୍ଭ କରି ଅଭିଯୁକ୍ତଙ୍କୁ ଗିରଫ କରିଥିଲା । ଏହି ମାମଲାରେ ଏପର୍ଯ୍ୟନ୍ତ ମୋଟ ୬ ଜଣଙ୍କୁ ଗିରଫ କରାଯାଇଛି ।