ମୁମ୍ବାଇ : ଶାହାରୁଖ ଖାନ ନିଜ ସ୍ୱତନ୍ତ୍ର ଶୈଳୀରେ ପ୍ରଶଂସକଙ୍କୁ ପ୍ରଭାବିତ କରିବାରେ କେବେ ବିଫଳ ହୋଇ ନାହାନ୍ତି । ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲ ମାଧ୍ୟମରେ ସ୍କ୍ରୋଲ୍ କଲେ, କିଙ୍ଗ ଖାନଙ୍କ କିଛି ଚମତ୍କାର ସେଲଫି ସାମ୍ନାକୁ ଆସେ, ଯାହା ହୃଦୟକୁ ଛୁଇଁଯାଏ । ବହୁତ ସମୟ ପରେ, ଶାହାରୁଖ ତାଙ୍କ ପ୍ରଶଂସକଙ୍କ ପାଇଁ ସେଲଫି ନେଇଛନ୍ତି । ଏହି ଚିତ୍ରରେ, ସୁପରଷ୍ଟାରଙ୍କ ଦାଢ଼ି ଏବଂ ଲମ୍ବା କେଶର ଚମକ ଦେଖାଯାଉଛି ।
ମହାରାଷ୍ଟ୍ରରେ ଲକଡାଉନ୍ ପ୍ରତିବନ୍ଧକ ହ୍ରାସ ପାଇଥିବାରୁ ବି-ଟାଉନ୍ ଧୀରେ ଧୀରେ ଟ୍ରାକକୁ ଫେରି ଆସୁଛି । ସେଲିବ୍ରିଟିଙ୍କ ଡବିଂ, ମିଟିଂ ଏବଂ ଶୁଟ୍ ପାଇଁ କିଏ କେମିତି ବାହାରକୁ ଯାଉଥିବା ଚିତ୍ର ଦେଖିବାକୁ ମିଳୁଛି । ଅନୁମାନ କରାଯାଉଛି ପ୍ରଶଂସକମାନେ ଖୁବ୍ ଶୀଘ୍ର ସେଟ୍ରୁ ଶାହରୁଖଙ୍କ ଛବି ଦେଖିବାକୁ ପାଇବେ । ଏବେ ଶାହାରୁଖ ଖାନ ଦାଢ଼ି କାଟି କାମକୁ ଫେରିବାକୁ ପ୍ରସ୍ତୁତ ।