ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଂଜାମ ବ୍ଲକ ଅନ୍ତର୍ଗତ ମଲାଡ଼ ପଞ୍ଚାୟତର ବରଦା ଗ୍ରାମରେ ଶ୍ରୀ ରାମେଶ୍ୱର, କପିଳେଶ୍ୱର, ମା’ ଦଣ୍ଡକାଳୀ, ଗ୍ରାମଦେବୀଙ୍କ ନୂତନ ବିଗ୍ରହ ଓ ନବନିର୍ମିତ ପ୍ରସାଦ ପ୍ରତିଷ୍ଠା ଉତ୍ସବ ମହାସମାରୋହରେ ଆୟୋଜିତ ହେଉଛି । ଏହି ଅବସରରେ ପୁଣ୍ୟତୋୟା ଋଷିକୂଲ୍ୟା ନଦୀରୁ ବିଶାଳ ଶୋଭାଯାତ୍ରାରେ କଳସ ଯାତ୍ରା ଅନୁଷ୍ଠିତ ହୋଇଯାଇଛି । ପଣ୍ଡିତ ନରସିଂହ ଶତପଥୀ, ଅଶୋକ କୁମାର ଶତପଥୀ, ଦିବାକର ତ୍ରିପାଠୀ ପ୍ରମୁଖଙ୍କ ତତ୍ୱାବଧାନରେ ପ୍ରତିଷ୍ଠା କାର୍ଯ୍ୟ ସମ୍ପର୍ଣ୍ଣ ହେଉଛି । ଗତ ଶନିବାର ଠାରୁ ଦୀକ୍ଷାଗ୍ରହଣ, ଅଙ୍କୁରାରୋପଣ ଓ ରତ୍ନମୁଦ୍ରା ରବିବାର କଲସଯାତ୍ରା, ପ୍ରତିଷ୍ଠା କର୍ମ ଆରମ୍ଭ, ନାମାଧିବାସ ସୋମବାର ଦେବାଧିବାସ, ଧନ୍ୟଧିବାସ, ଅଗ୍ନି ସଂସ୍କାର, ନାମଯଜ୍ଞ, ଘୃତଯଜ୍ଞ କାର୍ଯ୍ୟକ୍ରମ ରହିଛି । କୃଷ୍ଣ ମୋହନ ଦାଶ ଏହି କାର୍ଯ୍ୟକ୍ରମରେ ସହଯୋଗ କରୁଛନ୍ତି । ପ୍ରବଚନ ଓ ଭଜନ ପରି ଆଧ୍ୟାତ୍ମିକ କାର୍ଯ୍ୟକ୍ରମ ମାନ ଆୟୋଜତ ହେବାର କାର୍ଯ୍ୟକ୍ରମ ରହିଛି । ଗୁରୁବାର ପୂର୍ଣ୍ଣାହୁତି, ନଗର ପରିକ୍ରମା ରହିଥିବା ଗ୍ରାମବାସୀଙ୍କ ଠାରୁ ସୂଚନା ରହିଛି ।