ପଦ୍ମପୁର, (ନିରୋଜ କୁମାର ପାଣୀ) : ୧୮୯ ବାଟାଲିୟନ ସିଆର୍ପିଏଫ୍ କମାଣ୍ଡେଣ୍ଟ ପବନ କୁମାର ତିବାରୀଙ୍କ ନିର୍ଦ୍ଦେଶନାରେ କସ୍ତୁରବା ଗାନ୍ଧୀ ମାଟ୍ରିକିନେଟାନ୍ ଅନାଥ ଆଶ୍ରମ ପାଇକମାଲରେ ଛୋଟ ଶିଶୁ ଏବଂ କର୍ମଚାରୀଙ୍କ ସହ ମହିଳା ଦିବସ ପାଳନ କରାଯାଇଥିଲା । ଓଡିଶା ଓପିଏସ୍ ବିଏନ୍ ସିଆର୍ପିଏଫ୍ର ମାର୍ଗ ଦର୍ଶନ ଓ ଓଡିଶା ୧୮୯ର ଯବାନମାନେ ଏହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ । ଏହି ଅବସରରେ ଛାତ୍ରମାନେ ଚିତ୍ରାଙ୍କନ, ନୃତ୍ୟ ଏବଂ ଗୀତ ପ୍ରତିଭା ପ୍ରଦର୍ଶନ କରିଥିଲେ । ଏକ ପୃଥକ କାର୍ଯ୍ୟକ୍ରମରେ କଲେଜର ଛାତ୍ର ଓ ଅଧ୍ୟାପିକାମାନଙ୍କୁ ସମ୍ବୋଧିତ କରିବା ପାଇଁ ସହ କମାଣ୍ଡେଣ୍ଟ ନୀନା ଶର୍ମାଙ୍କୁ ଶ୍ରୀ ଶ୍ରୀ ନୃସିଂହନାଥ ଆୟୁର୍ବେଦ କଲେଜ ଏବଂ ଗବେଷଣା ପ୍ରତିଷ୍ଠାନ ଦ୍ୱାରା ଅତିଥି ଭାବେ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ଶ୍ରୀମତୀ ନୀନା ଶର୍ମା ସମସ୍ତ ମହିଳା ଡାକ୍ତର ଏବଂ କର୍ମଚାରୀଙ୍କୁ ସେମାନଙ୍କର ଅଧିକାର ବିଷୟରେ ଅବଗତ ହେବା ଏବଂ ଅନ୍ୟ ମହିଳାମାନଙ୍କୁ ସମାଜରେ ସକରାତ୍ମକ ପ୍ରଭାବ ପକାଇବାରେ ସାହାଯ୍ୟ କରିବାକୁ ଉତ୍ସାହିତ କରିଥିଲେ । ଏହି ଦିନ ଆୟୋଜିତ ବିଭିନ୍ନ ପ୍ରତିଯୋଗିତାର ବିଜେତାମାନଙ୍କୁ ସେ ପ୍ରମାଣପତ୍ର ଏବଂ ଟ୍ରଫି ପ୍ରଦାନ କରିଥିଲେ ।