ସମ୍ବଲପୁର : ପାଣି ସମସ୍ୟା ସମାଧାନ ଦାବୀରେ ସ୍ଥାନୀୟ ବାସିନ୍ଦା ମାନେଶ୍ୱରଠାରେ ଜାତୀୟ ରାଜପଥ ଅବରୋଧ କରିଥିବା ଜଣାପଡିଛି । ସୂଚନା ଅନୁସାରେ ସ୍ଥାନୀୟ ଅଞ୍ଚଳରେ ଦୀର୍ଘଦିନ ହେବ ପାଣି ସମସ୍ୟା ଲାଗି ରହିଛି । ଗ୍ରାମବାସୀ ବହୁ ଥର ଜଣାଇଥିଲେ ମଧ୍ୟ କେହି ଶୁଣି ନ ଥିଲେ । ଶେଷରେ ପାଣି ସମସ୍ୟା ସମାଧାନ ଦାବୀରେ ସ୍ଥାନୀୟ ଲୋକେ ରାଜରାସ୍ତାକୁ ଓହ୍ଲାଇଥିବା ଜଣାପଡିଛି । ଗରା, ବାଲଟି ଧରି ପ୍ରତିବାଦ କରିବା ସହ ନାରାବାଜି କରୁଥିବା ଦେଖିବାକୁ ମିଳିଛି । ଫଳରେ ରାସ୍ତାର ଉଭୟ ପାଖରେ ଶହଶହ ଗାଡି ମୋଟର ଅଟକି ରହିଛି । ଏନେଇ ଘଟଣାସ୍ଥଳରେ ପୋଲିସ ପହଂଚି ବୁଝାସୁଝା କରିବା ଆରମ୍ଭ କରିଛି ।