ବଲାଙ୍ଗିର, (କେପିଏନ୍ଏସ୍) : ନିକଟରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଫଳାଫଳ ଘୋଷଣା ପରେ ପରେ ପୁଣି ପାଖେଇ ଆସୁଛି ପୌର ପରିଷଦ ନିର୍ବାଚନ । ଏଥିପାଇଁ ବଲାଙ୍ଗିର ଜିଲ୍ଲା ପ୍ରଶାସନ ପ୍ରସ୍ତୁତ ରହିଥିବା ଜଣାପଡ଼ିଛି । ଜିଲ୍ଲାରେ ଅବାଧ ଓ ନିରପେକ୍ଷ ପୌର ପରିଷଦ ନିର୍ବାଚନ ପାଇଁ ବିଧି ବ୍ୟବସ୍ଥା ଗ୍ରହଣ କରାଯାଇଛି । ବଲାଙ୍ଗିର ମ୍ୟୁନିସିପାଲିଟିରେ ୭୮ ହଜାର ୭୨୩ ଜଣ ଭୋଟର୍ଙ୍କ ଶୃଙ୍ଖଳିତ ଭୋଟଦାନ ପାଇଁ ୮୪ଟି ବୁଥ୍ ବ୍ୟବସ୍ଥା କରାଯାଇଥିବା ବେଳେ ଟିଟିଲାଗଡ଼ ମ୍ୟୁନିସିପାଲିଟିର ୨୫ ହଜାର ୮୩୭ ଜଣ ମତଦାତାଙ୍କ ପାଇଁ ୨୮ଟି ଭୋଟଦାନ କେନ୍ଦ୍ର ସୁନିଶ୍ଚିତ କରାଯାଇଛି । ସେହିପରି ପାଟଣାଗଡ଼ ଏନ୍ଏସିର ୧୬ ହଜାର ୭୨୩ ମତଦାତାଙ୍କ ପାଇଁ ୨୨ଟି ବୁଥ୍, କଂଟାବାଂଜି ଏନ୍ଏସିର ୧୭ ହଜାର ୫୫୧ ଜଣ ଭୋଟର୍ଙ୍କ ପାଇଁ ୨୫ଟି ବୁଥ୍ ଏବଂ ତୁଷୁରା ଏନ୍ଏସିର ୮ ହଜାର ୨୭୪ ଜଣ ଭୋଟର୍ଙ୍କ ପାଇଁ ୧୧ଟି ବୁଥ୍ର ବ୍ୟବସ୍ଥା କରାଯାଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।