- ରେଡ଼ିଓ ସହ ସ୍ମରଣୀୟ ଫଟୋ ଉଠାଇ ଜିତିଲେ ପୁରସ୍କାର
ଭୁବନେଶ୍ୱର, (କେପିଏନ୍ଏସ୍) : ସାମାଜିକ ଅନୁଷ୍ଠାନ ଅସ୍ତିତ୍ୱ ଓ ପିଇସିଟି.ର ମିଳିତ ଆନୁକୂଲ୍ୟରେ ଆୟୋଜିତ ହୋଇଥିଲା ବିଶ୍ୱ ରେଡ଼ିଓ ଦିବସ । ଏହି ଅବସରରେ ଆରମ୍ଭ କରାଯାଇଥିବା ପ୍ରତିଯୋଗିତାର ଉଦଯାପନୀ ଦିବସ ଆଜି ୟୁନିଟ ୯ ସ୍ଥିତ ବୁଦ୍ଧ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଏସିଆ କମ୍ୟୁନିଟି ରେଡ଼ିଓ ସଂସ୍ଥାର ଅନ୍ୟତମ ସଦସ୍ୟ ଏନ.ଏ.ସାହା ଅନସାରୀ ଏବଂ ବିଶିଷ୍ଟ ସମାଜସେବୀ ଓ ଶୁଶ୍ରୁତ ହସ୍ପିଟାଲର ସିଇଓ ଊ. ଚିଦାତ୍ମିକା ଖଟୁଆ ଅତିଥି ଭାବେ ଯୋଗଦେଇ ରେଡ଼ିଓ ସହ ହୋଇଥିବା ଫୋଟୋ ପ୍ରତିଯୋଗିତାରେ ବିଜୟୀ ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରିଥିଲେ । ଏଥିରେ ପ୍ରଥମ ପୁରସ୍କାର ଗ୍ରହଣ କରିଛନ୍ତି ପୁରୀର ସିନିୟର ସିଟିଜନ ଶ୍ରୀମତୀ ସୁବାସିନୀ ରାଜଗୁରୁ । । ଏହି କାର୍ଯ୍ୟକ୍ରମରେ କୁନି କଳାକାର ମାନଙ୍କ ସଂଗୀତ ପରିବେଷଣ ଉପସ୍ଥିତ ଦର୍ଶକଙ୍କୁ ମୁଗ୍ଧ କରିଥିଲା । ସୁଶ୍ରୀ ଆଦ୍ୟାଶା ପ୍ରିୟଦର୍ଶିନୀ, ଶ୍ରୀମତୀ ପୁର୍ଣିମା ପଟ୍ଟନାୟକ ଓ ଶ୍ରୀ ସନତ କୁମାର ପତି ପ୍ରମୁଖ ସଂଗୀତ ପରିବେଷଣ କରି କାର୍ୟ୍ୟକ୍ରମଟିକୁ ବେଶ ସ୍ମରଣୀୟ କରିଥିଲେ । ସମସ୍ତଙ୍କ ସହଯୋଗ ନେଇ କାର୍ଯ୍ୟକ୍ରମଟି ସଫଳ ହୋଇଥିବାରୁ ଅନୁଷ୍ଠାନ ପକ୍ଷରୁ ଡ଼. ମମତା ଦାଶ ଓ ଶ୍ରୀମତୀ ତପସ୍ୱିନୀ ପଣ୍ଡା ସମସ୍ତଙ୍କୁ ସାଧୁବାଦ ଜଣାଇଥିଲେ ।