କଳାହାଣ୍ଡି : କୋକସରା ବ୍ଲକ ଡାଲଗୁମାର ଜଣେ ବିଶିଷ୍ଟ ବ୍ୟକ୍ତି ତଥା ମୂଷାପାଲି ପଞ୍ଚାୟତର ପୂର୍ବତନ ସରପଞ୍ଚ ଦେବାନନ୍ଦ ଧରୁଆ(୮୫)ଙ୍କ ଗତ ରବିବାର ରାତିରେ ପରଲୋକ ହୋଇଯାଇଥିବା ଜଣାପଡ଼ିଛି । ସୂଚନା ଅନୁସାରେ ସେ ମୂଷାପାଲି ପଞ୍ଚାୟତରେ ୧୯୭୦-୭୫ ଓ ୧୯୮୪ରୁ ୧୯୮୯ ପର୍ଯ୍ୟନ୍ତ ସରପଞ୍ଚ ଭାବରେ ଦାୟିତ୍ୱ ତୁଳାଇଥିଲେ । ଅଞ୍ଚଳରେ ତାଙ୍କର ବେଶ୍ ନାଁ ରହିଥିଲା । ତାଙ୍କ ପ୍ରଚେଷ୍ଟାରେ ମୂଷାପାଲି ହାଇସ୍କୁଲ ଆରମ୍ଭ ହୋଇଥିଲା । ତାଙ୍କ ଶେଷକୃତ୍ୟ ସମୟରେ ପୁଅ ମହେନ୍ଦ୍ର ମୁଖାଗ୍ନି ଦେଇଥିଲେ । ତାଙ୍କ ବିୟୋଗରେ ସାରା ଅଞ୍ଚଳରେ ଶୋକର ଛାୟା ଖେଳିଯାଇଛି ।