ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ବିଜେପୁର ବ୍ଲକ ଯୋଖିପାଲି ଗ୍ରାମରେ ଏକଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ରବିବାର ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ସର୍ବମୋଟ ୮ଟି ଦଳ ଅଂଶଗ୍ରହଣ କରିଥିଲେ । ଏହି ପ୍ରତିଯୋଗିତାରେ ମାଝିପାଲି, ଯୋଖିପାଲି(ଖ), କମଲପଦର, ଯୋଖିପାଲି(କ), ଜାମପାଲି, ବଲଣ୍ଡା, ପି ଗଣ୍ଡପାଲି ଏବଂ ତାଳପଦର ଦଳକୁ ନିମନ୍ତ୍ରିତ କରାଯାଇଥିଲା । ଫାଇନାଲରେ ଯୋଖିପାଲି ଏବଂ ଜାମପାଲି ଦଳ ପରସ୍ପର ସହ ମୁକାବିଲା କରିଥିଲେ ଯେଉଁଥିରେ ଜାମପାଲି ଦଳ ବିଜୟୀ ହୋଇଥିଲେ । ବିଜୟୀ ଦଳକୁ ମୁଖ୍ୟ ଅତିଥି ଦିବସ କୁମାର ସାହୁ ୩୦୦୦ ଟଙ୍କା ପ୍ରଦାନ କରିଥିଲେ । ଏହି ପ୍ରତିଯୋଗିତା ସମାଜସେବୀ ଅଶ୍ୱିନୀ କୁମାର ଦାସ, ଯୋଗେନ୍ଦ୍ର ସାହୁ, ଗଣେଶ ନାଏକ, ବିନୟ ଖମାରୀ, ସୁଜିତ ଡନସନା, ହମିଦ ମହାପାତ୍ର, ଚୂଡ଼ାମଣି ସାହୁ ପ୍ରମୁଖ ଆୟୋଜନ କମିଟିରେ ଥିଲେ । ଯୋଖିପାଲି କ୍ରିକେଟ କ୍ଲବର ପୂର୍ବତନ ଖେଳାଳୀ ରାଜେଶ ମହାପାତ୍ର ଏବଂ ଏକାଲବ୍ୟ ପ୍ରଧାନ ଖେଳ ପରିଚାଳନା କରିଥିଲେ ।