ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ଠିକାଦାରପଡା ସ୍ଥିତ ଯାଦବ ଭବନଠାରେ ଆଗାମୀ ନଭେମ୍ବର ୧ରେ ଅନୁଷ୍ଠିତ ହେବାକୁ ଥିବା ବଲାଙ୍ଗିର ଦିନ୍ ପାଇଁ ଏକ ଫେନ୍ସି ଡ୍ରେସ ପ୍ରତିଯୋଗିତା ୫ ବର୍ଷରୁ ୧୫ ବର୍ଷ ପର୍ଯ୍ୟନ୍ତ ଶିଶୁମାନଙ୍କୁ ନେଇ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଦାୟିତ୍ୱ ତୁଳାଇଥିଲେ ନାରୀଶକ୍ତି ଫାଉଣ୍ଡେସନର ସଂପାଦିକା ନୂତନ ଦାସ ଓ ମଂଚ ପରିଚାଳନା କରିଥିଲେ ସହସଂପାଦିକା ପ୍ରିୟଙ୍କା ତ୍ରିପାଠି । ମୁଖ୍ୟ ଅତିଥି ରୂପେ ନାଟ୍ୟଭୂଷଣ ଜଗଦାନନ୍ଦ ଛୁରିଆ ଓ ପ୍ରତିଯୋଗିତାର ବିଚାରକ ଭାବେ ଥିଲେ ଗୋପାଳ ପ୍ରଧାନ, ଶ୍ରାବଣୀ ମେହେର ଏବଂ ଦେବତୋଷ ଦର୍ଜୀ । ବିନୋଦ କାଲସାଏ, ପ୍ରଶାନ୍ତ ମହାକୁର, ଜୟକୃଷ୍ଣ ମିଶ୍ର ସାହାଯ୍ୟ କରିଥିଲେ । ଏହି ପ୍ରତିଯୋଗିତାରେ ପାଖାପାଖି ୨୫ ଜଣ ପ୍ରତିଯୋଗି ଅଂଶଗ୍ରହଣ କରିଥିଲେ ।