ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପୁରୀ ଜିଲ୍ଲା ଡେଲାଙ୍ଗ ବ୍ଲକ ବିଭିନ୍ନ ଅଚଂଳରେ ଭାରତ ସରକାରଙ୍କ ଯୁବ ଓ କ୍ରୀଡା ମନ୍ତ୍ରଣାଳୟ ଅଧିନସ୍ଥ ନେହୁରୁ ଯୁବ କେନ୍ଦ୍ର, ପୁରୀ ଓ ଅଗ୍ରଣୀ ସ୍ୱେଛାସେବୀ ଅନୁଷ୍ଠାନ ଇଣ୍ଟେଲେକ୍ଚୁଆଲ କ୍ଲବ, ଘୋରଡିଆ ମଳିତ ଆନୁକୂଲ୍ୟରେ କ୍ଲିନ ଇଣ୍ଡିଆ ପ୍ଲାଷ୍ଟିକ ମୁକ୍ତ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ହାଟ ବଜାର, ଛକ, ମନ୍ଦିର, ସ୍କୁଲ, ନଳକୂପ ପରିସର, ଗ୍ରାମ୍ୟ ମୁଖ୍ୟ ରାସ୍ତାକୁ ଯୁବକ ଯୁବତୀମାନଙ୍କ ଦ୍ୱାରା ପରିଷ୍କାର ପରିଛନ୍ନ ସହ ପ୍ଲାଷ୍ଟିକ ମୁକ୍ତ ଜନ ସଚେତନତା ଅଭିଯାନ କରାଯାଇଥିଲା । ବର୍ଜ୍ୟବସ୍ତୁ ଓ ପଲଥିନ(ପ୍ଲାଷ୍ଟିକ) ସଂଗ୍ରହ କରାଯାଇଥିଲା । ଅନୁଷ୍ଠାନର ସମ୍ପାଦକ ଦିଲ୍ଲିପ କୁମାର ଧାଉଡିଆଙ୍କ ତତ୍ୱାବଧନରେ ଏହି କାର୍ଯ୍ୟକ୍ରମ ପରିଚାଳନା କରାଯାଇଥିଲା । କ୍ରୀଡାବିତ୍ ନଟବର ସେଠୀ, ବାବୁରାମ ଦାସ, ସ୍ୱେଛାସେବୀ ଚିରଂଜିବୀ ନାୟକ, ଚନ୍ଦ୍ରକାନ୍ତ ପ୍ରଧାନ, ବିଶ୍ୱଜିତ୍ ପରିଡା, ସୁଭଲକ୍ଷ୍ମୀ ଦାସ, ସ୍ୱର୍ଣ୍ଣଲତା ବିରେନ୍ଦ୍ର ପ୍ରମୁଖ ସମେତ ବହୁ ଯୁବକଯୁବତୀ ସାମିଲ ହୋଇ ଏହି କାର୍ଯ୍ୟକ୍ରମକୁ ସଫଳ କରାଇଥିଲେ । ଶେଷରେ ଅନୁଷ୍ଠାନର ସମ୍ପାଦକ ଶ୍ରୀ ଧାଉଡିଆ ଧନ୍ୟବାଦ ଅର୍ପଣ କରିଥିଲେ ।