ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ରାଜ ବୋଡାସମ୍ବର କୃଷକ ସଙ୍ଗଠନ ନିର୍ଦ୍ଦେଶ କ୍ରମେ ବୋଡାସମ୍ବର ଗାଁର ଚାଷୀ ମାନଙ୍କର ମିଳିତ ଉଦ୍ୟମରେ କୃଷକ ନେତା ବିଶ୍ବ ରଣାଙ୍କ ସଭାପତିତ୍ବରେ ପଲସଦା ଗ୍ରାମଠାରେ ଏକ ସଭା ଅନୁଷ୍ଠିତ ହୋଇଥିଲା । ଏହି ସଭାରେ କୃଷି ସମ୍ବନ୍ଧୀୟ ଅନେକ ବିଷୟ ଆଲୋଚନା ହୋଇଥିଲା । ଚଳିତ ଖରିଫ ଋତୁରେ ସ୍ବଳ୍ପ ବର୍ଷା ହେତୁ ଚାଷ କାମ ଠପ ହୋଇ ପଡିଛି । କେଉଁଠି ରୁଆ ହୋଇ ସାରି ଜମି ଫାଟିବାରେ ଲାଗିଛି ତ କେଉଁଠି ଧାନ ବିହୁଡା ଆଦୌ ହୋଇ ପାରିନାହିଁ । ଏହାକୁ ଦୃଷ୍ଟିରେ ରଖି ସମସ୍ତ ବିଷୟକୁ ତହସିଲଦାରଙ୍କ ଦୃଷ୍ଟି ଆକର୍ଷଣ କରାଯିବାର ପ୍ରସ୍ତାବ ନିଆଯାଇଥିଲା । ଏହି ସଭାରେ ଚାଷୀ ମାନଙ୍କ ମଧ୍ୟରୁ ତୀର୍ଥବାସୀ ବରିହା, ମଣିଲାଲ କୁରକୁରିଆ, ପଦ୍ମଲୋଚନ ସାହୁ, ୂଲାଲ ବିହାରୀ ମହାକୁଡ, ମନବୋଧ ପଣ୍ତା, ମୁଟଲ ବରିହା, ସୁମିତଲାଲ ଭୋଇ, ଉଗ୍ରେସନ ବନଛୋର, ପ୍ରେମଲାଲ ସିଂ ବରିହା ତଥା ଅନ୍ୟାନ୍ୟ ଚାଷୀ ଉପସ୍ଥିତ ଥିଲେ । ଶେଷରେ ତୀର୍ଥବାସୀ ବରିହା ଧନ୍ୟବାଦ ଅର୍ପଣ କରିଥିଲେ ।