ନୂଆଦିଲ୍ଲୀ : ବ୍ରାଜିଲ୍କୁ ପଛରେ ପକାଇ କରୋନାରୁ ସୁସ୍ଥତା ଲାଭ କ୍ଷେତ୍ରରେ ଭାରତ ସର୍ବୋଚ୍ଚ ସ୍ଥାନ ଅଧିକାର କରିବାରେ ସକ୍ଷମ ହୋଇପାରିଛି । କେବଳ ଏତିକି ନୁହେଁ ସାରା ବିଶ୍ୱରେ ଭାରତ ଏବେ ସୁସ୍ଥତା ହାସଲ କ୍ଷେତ୍ରରେ ଆଗୁଆ ରହିଛି । ଭାରତରେ ଏବେ ୩୮ ଲକ୍ଷ ୫୯ ହଜାର ୩୯୯ ଜଣ ସଂକ୍ରମିତ କରୋନାକୁ ପରାସ୍ତ କରି ଏବେ ସୁସ୍ଥତା ଅର୍ଜନ କରିଛନ୍ତି । ଆମେରିକାର ଜାନ ହାପକିନ୍ସ ୟୁନିଭର୍ସିଟି ଅନୁସାରେ ବ୍ରାଜିଲରେ ୩୭ ଲକ୍ଷ ୨୩ ହଜାର ୨୦୬ ସଂକ୍ରମିତ ସୁସ୍ଥ ହୋଇଛନ୍ତି । ବ୍ରାଜିଲ୍ ସୁସ୍ଥତା କ୍ଷେତ୍ରରେ ଦ୍ୱିତୀୟ ସ୍ଥାନରେ ରହିଛି ଏବଂ ତୃତୀୟ ସ୍ଥାନରେ ରହିଛି ଆମେରିକା । ଆମେରିକାରେ ବର୍ତ୍ତମାନ ପର୍ଯ୍ୟନ୍ତ ୨୪ ଲକ୍ଷ ୫୧ ହଜାରରୁ ଅଧିକ ସଂକ୍ରମିତ ଚିକିତ୍ସା ପରେ ସୁସ୍ଥ ହୋଇଛନ୍ତି ।