ବାଲିଗୁଡ଼ା, (ସଞ୍ଜୟ କୁମାର ପାଣିଗ୍ରାହୀ) : ଭାରତୀୟ ରେଡ଼କ୍ରସ ସୋସାଇଟି ଓଡିଶା ରାଜ୍ୟ ଶାଖା ଆନୁକୂଲ୍ୟରେ କନ୍ଧମାଳ ଜିଲ୍ଲା ବାଲିଗୁଡା ସ୍ଥିତ ଆଦିବାସୀ ମହାବିଦ୍ୟାଳୟରେ ଯୁବ ରେଡକ୍ରସ୍ ତରଫରୁ ଅନ୍ଧ ବିଶ୍ୱାସ, କୁ-ସଂସ୍କାର ଦୂରୀକରଣ ପାଇଁ ଜିଲ୍ଲାସ୍ତରୀୟ ଏକ ଦିବସୀୟ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବରେ ଉପଖଣ୍ଡ ଚିକିତ୍ସାଧିକାରୀ ଶ୍ରବଣ କୁମାର ସାହୁକାର, ମୁଖ୍ୟବକ୍ତା ଭାବେ ଅବସରପ୍ରାପ୍ତ ଅଧ୍ୟକ୍ଷ ଡ. ମଧୁସୂଦନ ମହାପାତ୍ର, ପରାମର୍ଶ ଦାତା ଶଙ୍କର ଦଳାଇ ବରିଷ୍ଠ ନାଟ୍ୟକାର ପ୍ରମୋଦ କୁମାର ଦଣ୍ଡସେନା, ମନସ୍ତତ୍ତ୍ବବିତ ଅନ୍ୱେଷା ମହାପାତ୍ର, ଅଧ୍ୟାପକ ସରୋଜ କୁମାର ପାଠୀ, ହିମାଂଶୁ ଚରଣ ସାହୁ ପ୍ରମୁଖ ଯୋଗଦେଇ ଅନ୍ଧବିଶ୍ୱାସ ଏବଂ କୁ -ସଂସ୍କାର ଦୂରୀକରଣ ନେଇ ସଚେତନତାର ବାର୍ତ୍ତା ପ୍ରଦାନ କରିଥିଲେ । ଶେଷରେ ଲୋକ କଳାକାର ଆନନ୍ଦେଶ୍ୱର ବେହେରଦଲାଇ ଲୋକ ନାଟ୍ୟ ମାଧ୍ୟମରେ ଜନ ସଚେତନ କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ବାରଖମା, ସାରଙ୍ଗଡ, ତୁମୁଡ଼ିବନ୍ଧ, ବାଲିଗୁଡାର ମହାବିଦ୍ୟାଳୟ ଓ ଉଚ୍ଚ ମାଧ୍ୟମିକ ବିଦ୍ୟାଳୟ ଭଳି ୨୨ ଟି ଉଚ୍ଚ ମାଧ୍ୟମିକ ବିଦ୍ୟାଳୟର ୨୨୦ ଜଣ ଶିବିରାର୍ଥି କାଉନସିଲରଙ୍କ ସହ ଯୋଗ ଦେଇଥିଲେ ।