ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ପୋଲିସ ଜିଲ୍ଲାର ସମସ୍ତ ପୋଲିସ ଅଫିସରଙ୍କ ସକ୍ରିୟତା ବୃଦ୍ଧି କରିବା ପାଇଁ ପୋଲସରା ପୋଲିସ ଥାନା ପରିସରରେ ଏକ ସ୍ୱତନ୍ତ୍ର ଅପରାଧ ନିୟନ୍ତ୍ରଣ ବୈଠକ ଅନୁଷ୍ଠିତ ହୋଇହାଇଛି । ଦକ୍ଷିଣାଞ୍ଚଳ ଆଇଜି ନିତି ଶେଖର ଏବଂ ଗଞ୍ଜାମ ପୋଲିସ ଜିଲ୍ଲା ଏସପି ଶୁଭେନ୍ଦୁ କୁମାର ପାତ୍ର ଏହି ବୈଠକରେ ଯୋଗ ଦେଇଥିଲେ । ଜନସାଧାରଣଙ୍କ ସୁରକ୍ଷା ପାଇଁ ପୋଲିସ ବାହିନୀ ଦକ୍ଷତା ସହ ପଦକ୍ଷେପ ଗ୍ରହଣ କରିବାକୁ ଏହି ବୈଠକରେ ବିସ୍ତୃତ ଆଲୋଚନା ହୋଇଥିଲା । ବୈଠକରେ ୱାରେଣ୍ଟ କାର୍ଯ୍ୟକାରୀ କରିବା ଏବଂ ବେଆଇନ ବନ୍ଧୁକ ଚିହ୍ନଟ କରିବାରେ ଆନ୍ତରିକ ପ୍ରୟାସ ପାଇଁ ଭଞ୍ଜନଗର ଏସଡିପିଓ ଡକ୍ଟର ଦୀପକ କୁମାର ମିଶ୍ର ଓ ପୋଲସରା ପୋଲିଆ ଥାନା ଆଇଆଇସି କୌଶିକ ମାଝୀଙ୍କୁ ସମ୍ବଦ୍ଧିତ କରାଯାଇଥିଲା । ପୋଲସରା ପୋଲିସ ଥାନା କର୍ମଚାରୀ ବୃନ୍ଦ ପରିଚାଳନାରେ ସହଯୋଗ କରିଥିଲେ ।