ବରଗଡ, (ମୁନ୍ନା ସାହୁ ) : ଜାତୀୟ ପାରା ସୁଇମିଂ ଚମ୍ପିୟାନସିପରେ ରୌପ୍ୟ ପଦକ ହାସଲ କରି ବରଗଡ଼କୁ ଗୌରବ ଆଣିଲେ ଚକରକେନ୍ଦର ରିତେଶ ମେହେର । ହାଇଦ୍ରାବାଦ ଠାରେ ଅନୁଷ୍ଠିତ ଜାତୀୟ ପାରା ସୁଇମିଂ ଚମ୍ପିୟାନସିପ ଗତ ନଭେମ୍ବର ୧୫ରୁ ୧୮ ପର୍ଯ୍ୟନ୍ତ ହୋଇଥିବା ବେଳେ ବରଗଡ଼ ଚକରକେନ୍ଦର ରିତେଶ ମେହେର ସୁଇମିଂରେ ରୌପ୍ୟ ପଦକ ହାସଲ କରିଛନ୍ତି । ତାଙ୍କ ଆଖି ୭୦ ପ୍ରତିଶତ ଦେଖାଯାଉ ନ ଥିବାବେଳେ ଛୋଟ ବେଳୁ ସେ ସୁଇମିଂରେ ରୁଚି ରଖିଥିଲେ । ବରଗଡ଼ ବ୍ଲକ ଚକରକେନ୍ଦର ରିତେଶଙ୍କ ବାପା ଧନୁ ମେହେର ଓ ତାଙ୍କ ମା’ ଚାଷ କରନ୍ତି । ରିତେଶ ରୌପ୍ୟ ପଦକ ହାସଲ କରିଥିବାରୁ ବରଗଡ଼ବାସୀ ତାଙ୍କୁ ଶୁଭେଚ୍ଛା ଜଣାଇଛନ୍ତି । ରିତେଶ ଶନିବାର ଜିଲ୍ଲାପାଳ କାର୍ଯ୍ୟାଳୟର ଦ୍ୱାରସ୍ଥ ହୋଇ ତାଙ୍କ ସୁଇମିଂ ପ୍ରାକ୍ଟିସ ପାଇଁ ସୁବିଧା ଯୋଗାଇବା ସହ ସାହାଯ୍ୟ ପାଇଁ ଅନୁରୋଧ କରିଛନ୍ତି ।