ନୂଆଦିଲ୍ଲୀ : ହଜାର ହଜାର ବର୍ଷ ଧରି ଭୂକମ୍ପ ଲାଗି ରହିଥିବା ଏଟନା ପର୍ବତର ଆଗ୍ନେୟଗିରିରେ ପୁଣି ଥରେ ବିସ୍ଫୋରଣ ହୋଇଛି । ଏହାର ନିଆଁ ଆକାଶକୁ ଲାଲ କରିଦେଇଛି ଏବଂ ଲାଭା ବହୁ ଦୂରକୁ ପ୍ରବାହିତ ହୋଇଛି । ଏହାର ପାଉଁଶ ସବୁଆଡେ ବ୍ୟାପିଛି । ପାଉଁଶ ବିଷୟରେ ଇଟାଲୀ କର୍ତ୍ତୃପକ୍ଷଙ୍କୁ ଏକ ପରାମର୍ଶନାମା ଜାରି କରିବାକୁ ପଡିଛି । ଘଟଣାର ଫଟୋଗ୍ରାଫ ଏବଂ ଭିଡିଓରେ, ଏହି ଆଗ୍ନେୟଗିରିରୁ ବାହାରୁଥିବା ଧୂଆଁ ଏହାର ଗମ୍ଭୀରତାକୁ ଦର୍ଶାଉଛି । ବର୍ତ୍ତମାନ ସୁଦ୍ଧା, ଏହି କାରଣରୁ କାହାର ବିପଦର ଅବଶ୍ୟ ଭୟ ନାହିଁ ।
କିଛି ଦିନ ପୂର୍ବରୁ, ରଏଟର୍ସ ଏକ ଭିଡିଓ ସେୟାର କରିଥିଲା, ଯେଉଁଥିରେ ରାତିରେ ଏଯନା ପର୍ବତ ଉପରେ ଆଗ୍ନେୟଗିରିରୁ ନିଆଁ ଉଦ୍ଗୀରଣ ହେଉଥିଲା । ରାତିର ଶାନ୍ତ ପରିବେଶରେ ଏହାର ବଜ୍ର ଦୃଶ୍ୟ ଅତ୍ୟନ୍ତ ଭୟାନକ ମନେ ହେଉଥିଲା । ଅନେକ ଭୂକମ୍ପ ଯୋଗୁଁ ଏଟନାରେ କ୍ରମାଗତ ଭାବରେ ବିସ୍ଫୋରଣ ଜାରି ରହିଥିଲା । ଏହାର ଗୋଟିଏ କ୍ରାଟର ସଂପୂର୍ଣ୍ଣ ଭାଙ୍ଗି ଯାଇଛି ଏବଂ ଦୁଇ ଭଗେରେ ଛିଣ୍ଡି ଯାଇଛି । ତେବେ ଜନବସତି ନଥିବା ସ୍ଥାନରେ ଲାଭା ପ୍ରବାହିତ ହେଉଛି । ଏହି କାରଣରୁ କାହା ପାଇଁ କୌଣସି ବିପଦ ନାହିଁ ବୋଲି କୁହାଯାଇଛି ।
ମାଉଣ୍ଟ ଏଟନା ହେଉଛି ସିସିଲି ଉପକୂଳରେ ଅବସ୍ଥିତ ଏକ ସକ୍ରିୟ ଆଗ୍ନେୟଗିରି । ଖ୍ରୀଷ୍ଟପୂର୍ବ ୬୦୦୦ରେ ଏହା ଫାଟିଥିଲା। ଏହା ହଜାର ହଜାର ବର୍ଷ ଧରି ଜଳୁଛି ଏବଂ ୟୁରୋପରେ ସବୁଠାରୁ ସକ୍ରିୟ ଆଗ୍ନେୟଗିରିରେ ପରିଣତ ହୋଇଛି । ଆଜି ବି ଏହା ପର୍ୟ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ର ପାଲଟିଛି । ଏଥିରୁ ବାହାରୁଥିବା କାଦୁଅ ଲାଲ ଲାଭା ରାତିର ଅନ୍ଧକାରରେ ଦେଖିବାକୁ ବହୁତ ଆକର୍ଷଣୀୟ, ଯେଉଁଥିପାଇଁ ଲୋକମାନେ ଦୂରଦୂରାନ୍ତରୁ ଆସନ୍ତି । ସୋସିଆଲ ମିଡିଆରେ ସେୟାର କରାଯାଉଥିବା ସବିଶେଷ ଚିତ୍ରଗୁଡ଼ିକୁ ‘ଆତସବାଜି’ ଭଳି ମନେ ହେଉଛି ।