ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ନିକଟସ୍ଥ ଶାନ୍ତି ନଗରଠାରେ ଶ୍ରୀ ଶ୍ରୀ ଲକ୍ଷ୍ମୀନାରାୟଣ ଓ ରାଧାକୃଷ୍ଣ ମନ୍ଦିର ନିର୍ମାଣ ନିମନ୍ତେ ବୁଧବାର ବର୍ଣ୍ଣାଢ଼୍ୟ ସମାରୋହରେ ଭୂମି ପୂଜନ ସମାରୋହ ଅନୁଷ୍ଠିତ ହୋଇଯାଇଛି । ଛତ୍ରପୁର ନିକଟସ୍ଥ ଶାନ୍ତି ନଗରର ଉକ୍ତ ସ୍ଥଳକୁ ଅଦ୍ୟାବଧି ଲକ୍ଷ୍ମୀନାରାୟଣ ନଗର ବୋଲି ଏହି ଭୂମିପୂଜନ ଦିବସରୁ ଘୋଷଣା କରାଯାଇଛି, ବୋଲି ଅଞ୍ଚଳ ବାସୀଙ୍କଠାରୁ ପ୍ରକାଶ କରାଯାଇଛି । ଏଠାରେ ନୂତନ ଭାବେ ଏକ ମନ୍ଦିର ଶ୍ରୀ ଶ୍ରୀ ଲକ୍ଷ୍ମୀନାରାୟଣ ମନ୍ଦିର ଓ ରାଧା କୃଷ୍ଣଙ୍କ ମନ୍ଦିର ନିର୍ମାଣ କରିବା ନିମନ୍ତେ ଅଞ୍ଚଳବାସୀ ଏକତ୍ରିତ ହୋଇଛନ୍ତି । ଛତ୍ରପୁର ସହରର ସୁପରିଚିତ ଜନୈକ ବଦାନ୍ୟ ବ୍ୟକ୍ତି ଶ୍ରୀ ଏ. ନାରାୟଣ ରାଓ ଓ ତାଙ୍କ ଧର୍ମପତ୍ନୀ ଏ. ଲକ୍ଷ୍ମୀ ଆମ୍ମା ଉକ୍ତ କାର୍ଯ୍ୟରେ ସକ୍ରୀୟ ଅଂଶଗ୍ରହଣ କରିଥିଲେ । ଉକ୍ତ ମନ୍ଦିର ନିର୍ମାଣ କରିବା ନିମନ୍ତେ ସ୍ଵ ହସ୍ତରେ ଲକ୍ଷ୍ମୀ ନାରୟଣ ନଗରରେ ଥିବା ଜମିକୁ ଉକ୍ତ ଦମ୍ପତି ଦାନ ସୂତ୍ରରେ ପ୍ରଦାନ କରି ମନ୍ଦିର ନିର୍ମାଣ ନିମନ୍ତେ ଅନୁରୋଧ କରିଥିଲେ । ଶେଷରେ ଛତ୍ରପୁର ନିକଟସ୍ଥ ଗୌରୀଶଙ୍କର ମନ୍ଦିର ପରିସରରେ ବୈଠକ ବସିଥିଲେ । ସମାଜସେବୀ ଏ. ରବଣା ରାଓ, ହୃଷୀକେଶ ପଟ୍ଟନାୟକ, ପ୍ରସାଦ ପଟ୍ଟନାୟକ ଜୟଦେବ ଲେଙ୍କା, ସଞ୍ଜୀବ ରକ୍ଷଉଲ, ଦୀପକ ପାତ୍ର, ରଜନୀ କାନ୍ତ ପଟ୍ଟନାୟକ ,କେ. ଶଙ୍କର ରେଡ୍ଡୀ ଓ ପ୍ରଶାନ୍ତ ଶତପଥୀ ପ୍ରମୁଖ ଏହି ଆନୁଷ୍ଠାନିକ ବୈଠକରେ ଉପସ୍ଥିତ ଥିଲେ । ଏହି ବୈଠକରେ ଲକ୍ଷ୍ମୀ ନାରାୟଣନଗରେ ଥିବା ଜମି ୪୭୍ଠ୬୫ ଫୁଟ ଜମିକୁ ମନ୍ଦିର ନିର୍ମାଣ ପାଇଁ ଉକ୍ତ ଦମ୍ପତିଙ୍କ ତରଫରୁ ଦାନ ହୋଇଛି । ତାଙ୍କର ମହାନ କାର୍ଯ୍ୟ ପାଇଁ ତାଙ୍କୁ ଉକ୍ତ ନଗରବସୀ କୃତଜ୍ଞତା ଜଣାଇଛନ୍ତି । ୨୧ ଜଣିଆ କମିଟି ଗଢ଼ାଗଲା ଓ ସାମୁହିକ ଉନ୍ନତି ନିମନ୍ତେ ସଭାପତି ରୂପେ ଜୟଦେବ ଲେଙ୍କା, ସମ୍ପାଦକ ଜି. ଚକ୍ର ପାଣି ରେଡ୍ଡୀ ଓ କୋଷକ୍ଷଧ୍ୟକ୍ଷ ଭାବେ ରଜନୀ କାନ୍ତ ପଟ୍ଟନାୟକ ସର୍ବସମ୍ମତି ରୂପେ ଚୟନ କରାଗଲା । ଲକ୍ଷ୍ମୀ ନାରାୟଣନଗର ଓ ଶାନ୍ତିନଗର ସମସ୍ତ ବୁଦ୍ଧିଜୀବି ଓ ଅଞ୍ଚଳବାସୀ ମାନେ ସହଯୋଗ କାମନା କରିଥିଲେ ।