ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଶିଳ୍ପ ସମ୍ପର୍କ ଏବଂ କର୍ମଚାରୀ ପରିଚାଳନା ବିଭାଗ, ବ୍ରହ୍ମପୁର ବିଶ୍ୱବିଦ୍ୟାଳୟ ପକ୍ଷରୁ ବିଶ୍ୱ ବିଦ୍ୟାଳୟର IR & PM ବିଭାଗୀୟ ମୁଖ୍ୟ ଡ଼ଃ. ସତ୍ୟବ୍ରତ ପାତ୍ରଙ୍କ ଅବସରକାଳୀନ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଡକ୍ଟର ଭରତ କୁମାର ଲାକ୍ରା ସଂଯୋଜନା କରିଥିବାବେଳେ ଡକ୍ଟର ଅନୁଭା ଚୌଧୁରୀ, ଡକ୍ଟର ଇତିଶ୍ରୀ ଗୀତାକୁମାରୀ, କର୍ମଚାରୀ ନରେଶ ଚନ୍ଦ୍ର ବେଜା, ଗବେଷକ ବିଦ୍ୱାନ ରାମ ପ୍ରସାଦ ପ୍ରଧାନ ଉପସ୍ଥିତ ଥିଲେ । ଏହି କାର୍ଯକ୍ରମକୁ ସମସ୍ତ ଛାତ୍ରଛାତ୍ରୀ ପରିଚାଳନା କରିଥିଲେ । ଏହି ଅବସରରେ ଏକ ସ୍ମରଣିକା ଉନ୍ମୋଚନ କରାଯିବା ସହ ଡ଼ଃ. ପାତ୍ରଙ୍କୁ ଉପହାର ଓ ସମ୍ବର୍ଦ୍ଧନା ପତ୍ର ଡ଼ଃ. ଅନୁଭା ଚୌଧୁରୀଙ୍କ ଦ୍ଵାରା ପ୍ରଦାନ କରାଯାଇଥିଲା । ଡ଼ଃ. ଭରତ କୁମାର ଲାକ୍ରା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଡ଼ଃ. ଇତିଶ୍ରୀ ଗୀତାକୁମାରୀ ଧନ୍ୟବାଦ ଅର୍ପଣ କରିଥିଲେ । ଏହି ଦିବସକୁ ସ୍ମରଣ ରଖିବାକୁ ବିଶ୍ୱ ବିଦ୍ୟାଳୟ ପରିସରରେ ବୃକ୍ଷରୋପଣ କରାଯାଇଥିଲା ।