ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଡଙ୍ଗରପଡ଼ା ଆଞ୍ଚଳିକ ସାଧନ କେନ୍ଦ୍ରରେ ସିଆର୍ସିସି ସତ୍ୟ ନାରାୟଣ ସେନାପତିଙ୍କ ସଂଯୋଜନାରେ କ୍ଲଷ୍ଟର ସ୍ତରୀୟ ନିପୁଣ ଓଡ଼ିଶା ମେଳା ଆୟୋଜିତ ହୋଇଯାଇଛି । ଏହି ମେଳା ଉଦ୍ଘାଟନ ସମାରୋହରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷ ଦୟାନିଧି ଖମାରୀ ଓ ସମ୍ମାନିତ ଅତିଥି ଭାବେ ଲଣ୍ଡାପଥର ପଞ୍ଚାୟତ ସରପଞ୍ଚ ଦେମନ୍ତି କ୍ଷେତୀ, ସତ୍ୟବାଦୀ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ପ୍ରଶାନ୍ତ ଯୋଶୀ ଓ ଚୋରମରା ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ସୁଶାନ୍ତ ସାହୁ ଯୋଗ ଦେଇଥିଲେ । ସଭାକୁ ଡଙ୍ଗରପଡ଼ା ପ୍ରଧାନ ଶିକ୍ଷକ ରାଧାମୋହନ ମିଶ୍ର ପରିଚାଳନା କରିଥିଲେ । ମେଳାରେ ଲାଗିଥିବା ସାକ୍ଷରତା ଷ୍ଟଲ୍, ସଂଖ୍ୟାଜ୍ଞାନ ଷ୍ଟଲ୍ ସୃଜନାତ୍ମକ କାର୍ଯ୍ୟକଳାପ ଷ୍ଟଲ୍ ଓ ମତାମତ ଷ୍ଟଲକୁ ଅତିଥିମାନେ ଉଦ୍ଘାଟନ କରିବା ସହ ଷ୍ଟଲମାନଙ୍କୁ ପରିଦର୍ଶନ କରିଥିଲେ । ବିଭିନ୍ନ ବିଦ୍ୟାଳୟଗୁଡିକରୁ ଆସୁଥିବା ଏଫ୍ଏଲ୍ଏନ୍ ସ୍ତରର ଶିକ୍ଷାର୍ଥୀ ଓ ଗାଇଡ ଶିକ୍ଷକମାନେ ସମସ୍ତ ଷ୍ଟଲକୁ ବୁଲି ବୁଲି ପରିଦର୍ଶନ କରିଥିଲେ । ଉଦ୍ଯାପନୀ ସମାରୋହରେ ମୁଖ୍ୟ ଅତିଥି ଭାବେ ଅତିରିକ୍ତ ଶିକ୍ଷା ଅଧିକାରୀ ଦାଶରଥି ଥନାପତି ଯୋଗ ଦେଇଥିଲେ । ତାଙ୍କ ତତ୍ୱାବଧାନରେ ନିପୁଣ ଓଡ଼ିଶା ଶପଥ ପାଠ, ନିପୁଣ ଓଡ଼ିଶା ଲୋଗୋ ଉନ୍ମୋଚନ ଏବଂ ପୁରସ୍କାର ବିତରଣ କାର୍ଯ୍ୟକ୍ରମ ହୋଇଥିଲା । ପ୍ରଧାନ ଶିକ୍ଷକ ସୁଜ୍ଞାନ ସେଠ୍ ଧନ୍ୟବାଦ ଅର୍ପଣ କରିଥିଲେ ।