ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ଥାନା ବରତୁଣ୍ଡା ଗୋରୁ ବଜାର ପଟରୁ ୪ ଗୋଟି ଗୋମାତା ମାନଙ୍କୁ ଅତି କ୍ରୁର ଭାବରେ ବୋଝେଇ କରି ଏକ ପିକ୍ଅପ୍ ଯୋଗେ ଚାଲାଣ ହେବାର ଯୋଜନାକୁ ଭଣ୍ଡ କଲେ ପାଇକମାଲର ବଜରଙ୍ଗ ସଦସ୍ୟମାନେ । ରାସ୍ତାରେ ପୂର୍ବରୁ ଜଗିଥିବା ବଜରଙ୍ଗୀମାନଙ୍କୁ ଦେଖି ଗାଡି ଚାଳକ ଗାଡ଼ିରୁ ଓହ୍ଳାଇ ଫେରାର ହୋଇଯାଇଥିଲେ । ପାଇକମାଲ ପୋଲିସ ସହାୟତାରେ ବଜରଙ୍ଗୀ ସଦସ୍ୟମାନେ ଗୋମାତାଙ୍କୁ ଉଦ୍ଧାର କରି ଗନ୍ଧମାର୍ଦ୍ଦନ ଗୋଶାଳାରେ ଗୋବଂଶଙ୍କ ରହିବାର ବନ୍ଦୋବସ୍ତ କରିଛନ୍ତି । ଏହି ଘଟଣାକୁ ନେଇ ଗୋବଂଶଙ୍କ ଅସ୍ତିତ୍ୱ, ସୁରକ୍ଷା ପାଇଁ ଚିନ୍ତା ଜାହିର କରିଛନ୍ତି ଜିଲ୍ଲା ସଂଯୋଜକ ଓମ ପ୍ରକାଶ ମେହେର । ଆଗାମୀ ଦିନରେ ଗାଁ ଗାଁରେ ଛୋଟବଡ଼ ସଭା ସମିତି ମାଧ୍ୟମରେ ଗୋମାତାଙ୍କ ସ୍ଥାୟୀତ୍ୱ, ସୁରକ୍ଷା ସଚେତନତା ପାଇଁ ସଙ୍ଗଠନ କାର୍ଯ୍ୟ କରିବ ବୋଲି କହିଛନ୍ତି ।
Prev Post